Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI JANUARI 2014

 HABARI KUU | JE KIFO NI MWISHO WA MAMBO YOTE?

Uchungu wa Kifo

Uchungu wa Kifo

Watu wengi hawapendi kuzungumza kuhusu kifo. Lakini wakati fulani, lazima sisi sote tukabiliane nacho. Kifo husababisha uchungu mwingi sana.

Hatuwezi kujitayarisha vya kutosha kwa ajili ya kifo cha mzazi, mwenzi wa ndoa, au mtoto. Kifo kinaweza kutokea ghafula au kutokea polepole. Vyovyote vile, uchungu wa kifo hauwezi kuepukwa, na unaweza kuumiza sana.

Antonio, ambaye baba yake alikufa katika aksidenti, anaeleza: “Kifo ni kama mtu anayefunga mlango wako na kwenda na funguo. Huwezi kuufungua hata kidogo. Unabaki tu na kumbukumbu. Huo ndio ukweli wa mambo. Huenda ukakataa ukweli huo, kwa sababu unahisi kwamba ni ukosefu wa haki, lakini huwezi kufanya lolote.”

Dorothy aliyefiwa na mumewe akiwa na umri wa miaka 47, aliazimia kutafuta majibu ya maswali fulani. Alipokuwa mwalimu wa kuwafundisha watoto Biblia siku ya Jumapili, hakuamini kifo ni mwisho wa mambo yote. Lakini kwa kweli, hakujua kinachotukia baada ya mtu kufa. Alimwuliza kasisi Mwanglikana hivi: “Ni nini hutupata baada ya kufa?” Kasisi huyo alimjibu: “Hakuna anayejua. Tukifa tutajua.”

Je, tusubiri mpaka tufe ili tujue kinachotukia? Je, kuna njia nyingine ya kujua ikiwa kwa kweli kifo ni mwisho wa mambo yote?