Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI OKTOBA 2013

Majibu ya Maswali ya Biblia

Majibu ya Maswali ya Biblia

Je, wafu wana tumaini lolote?

Kifo ni kama usingizi katika maana ya kwamba wafu hawajui wala hawawezi kufanya lolote. Hata hivyo, Muumba wa uhai anaweza kuwarudishia wafu uhai kwa kuwafufua. Ili kuthibitisha hilo, Mungu alimpa Yesu nguvu na uwezo wa kuwafufua watu kadhaa.Soma Mhubiri 9:5; Yohana 11:11, 43, 44.

Kwa nini kifo kinalinganishwa na usingizi?

Mungu ameahidi kwamba wafu walio katika kumbukumbu lake watafufuliwa ili waishi katika ulimwengu mpya wenye uadilifu. Kwa sasa, wale ambao watafufuliwa bado watabaki wakiwa wafu hadi Mungu atakapowarudishia uhai. Mungu Mweza Yote anatamani kutumia nguvu zake kuwarudishia wafu uhai.Soma Ayubu 14:14, 15.

Hali itakuwaje wakati wa ufufuo?

Watu watakaofufuliwa na Mungu hawatapoteza utambulisho wao. Pia, watawatambua marafiki, na familia zao. Ingawa mwili wa mtu huoza, Mungu anaweza kumfufua mtu huyo akiwa na mwili mpya.Soma 1 Wakorintho 15:35, 38.

Watu wachache watafufuliwa ili wakaishi mbinguni. (Ufunuo 20:6) Walio wengi watafufuliwa na kuishi kwenye dunia paradiso. Watakuwa na mwanzo mpya wakiwa na tarajio la kuishi milele.Soma Zaburi 37:29; Matendo 24:15.

Pata Kujua Mengi Zaidi

Wafu Wako Wapi?

Jifunze yale ambayo Biblia inasema kuhusu mahali ambapo wafu wako na kwa nini wanadamu hufa.

Tumaini Hakika kwa Wapendwa Wako Ambao Wamekufa

Je, umempoteza mpendwa wako katika kifo? Je, inawezekana kuwaona tena? Jifunze yale ambayo Biblia inasema kuhusu kifo.