Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI AGOSTI 2013

 MKARIBIE MUNGU

“Sifa Zake Ambazo Hazionekani, Zinaonekana Waziwazi”

“Sifa Zake Ambazo Hazionekani, Zinaonekana Waziwazi”

Je, unamwamini Mungu? Ikiwa ndivyo, unawezaje kuthibitisha yupo? Ukweli ni kwamba tumezungukwa na mambo yanayothibitisha kuna Muumba mwenye hekima, nguvu, na upendo. Ni uthibitisho gani huo, na kwa nini ni wenye kusadikisha? Ili tupate jibu, fikiria maneno ya mtume Paulo katika barua aliyowaandikia Wakristo huko Roma.

Paulo alisema: “Sifa zake [Mungu] ambazo hazionekani, zinaonekana waziwazi tangu kuumbwa kwa ulimwengu na kuendelea, kwa sababu zinaeleweka kwa vitu vilivyofanywa, yaani, nguvu zake za milele na Uungu, hivi kwamba hawana sababu ya kujitetea.” (Waroma 1:20) Muumba ameweka uthibitisho kwenye kazi zake kama vile tu Paulo alivyoonyesha. Acheni tuchunguze maneno ya Paulo kwa undani.

Paulo alisema sifa za Mungu zinaweza kuonekana “tangu kuumbwa kwa ulimwengu na kuendelea.” Kwenye muktadha huu neno la Kigiriki linalotafsiriwa “ulimwengu” halimaanishi sayari ya dunia. Badala yake, linamaanisha wanadamu. * Hivyo, Paulo anaonyesha kwamba tangu wanadamu walipoumbwa, wangeweza kuona uthibitisho wa sifa za Muumba katika vitu alivyoumba.

Tunazungukwa na uthibitisho huo. Haujafichwa bali “unaonekana waziwazi.” Viumbe vyote, vikubwa kwa vidogo huonyesha kuna Muumba na kwamba ana sifa za ajabu. Bila shaka, viumbe vilivyobuniwa kwa ustadi vinafunua hekima ya Mungu. Vilevile, anga lenye nyota na mawimbi makubwa ya bahari hufunua nguvu zake. Zaidi ya hayo, vyakula mbalimbali vyenye ladha nzuri, na pia rangi nzuri ya mawio na machweo ya jua hufunua kwamba anawapenda wanadamu.Zaburi 104:24; Isaya 40:26.

Uthibitisho huo uko wazi jinsi gani? Uko wazi hivi kwamba wote ambao hawauoni na hivyo kukataa kumwamini Mungu “hawana sababu ya kujitetea.” Msomi mmoja anaeleza hivi: Wazia dereva anayepuuza alama ya barabarani inayosema “Mzunguko—Pita Kushoto.” Polisi anamsimamisha na kumwandikia faini. Dereva huyo anajitetea kwamba hakuona alama. Lakini polisi anakataa kumsamehe kwa sababu alama hiyo inaonekana wazi na dereva huyo hana tatizo la macho. Kwa kuongezea, ni wajibu wa dereva kuwa makini ili kuona alama za barabarani. Ndivyo ilivyo na uthibitisho wa kuwepo kwa Mungu unaoonekana kupitia vitu vya asili. “Alama” hiyo inaonekana wazi. Tunaweza kuiona kwa sababu sisi ni viumbe wenye akili. Hatuna sababu ya kujitetea ili kuipuuza.

Muumba aliweka uthibitisho kwenye kazi zake

Ndiyo, uumbaji unafunua mengi kuhusu Muumba wetu. Lakini kuna kitabu kinachofunua mengi zaidi kumhusu, yaani, Biblia. Kinatufunulia jibu la swali hili muhimu: Kusudi la Mungu ni nini kuhusu dunia yetu na wanadamu wanaoishi ndani yake? Kujifunza jibu la swali hilo kutakusaidia umkaribie Mungu ambaye “sifa zake ambazo hazionekani, zinaonekana waziwazi” katika ulimwengu unaotuzunguka.

Usomaji wa Biblia unaopendekezwa kwa mwezi wa Agosti

Waroma 1-16

^ fu. 5 Pia, Biblia inazungumzia “ulimwengu” wenye hatia ya dhambi na unaohitaji mkombozi, jambo ambalo kwa hakika linahusu wanadamu bali si dunia.Yohana 1:29; 4:42; 12:47.