Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Mnara wa Mlinzi  |  Julai 2013

Je, Kuna Dini Inayoweza Kutegemeka?

Je, Kuna Dini Inayoweza Kutegemeka?

Ikiwa umevunjwa moyo na dini fulani huenda ukadhani hakuna dini inayoweza kutegemeka. Lakini uwe na hakika kwamba kuna dini inayotegemeka. Alipokuwa duniani Yesu alikusanya kikundi cha wafuasi waaminifu na kuwafundisha kuishi kupatana na viwango vya Mungu. Leo, kuna wafuasi waaminifu wa Kristo ambao wanajitahidi kuishi kulingana na viwango vya Kikristo. Unawezaje kuwapata?

Estelle, aliyetajwa katika makala ya pili, anasema: “Hatimaye nilianza kuelewa Biblia nilipoanza kujifunza na Mashahidi wa Yehova. Haikunichukua muda mrefu kuelewa maneno ya andiko la Yohana 8:32, linalosema: ‘Mtaijua kweli, nayo kweli itawaweka ninyi huru.’”

Ray, ambaye pia alitajwa mapema, anasema hivi: “Kwa kujifunza Biblia na Mashahidi wa Yehova, niligundua Mungu hasababishi mateso yanayotupata. Nilifurahi kujua kwamba ingawa Mungu ana sababu nzuri ya kuruhusu uovu, anaahidi pia kuuondoa hivi karibuni.”

Ni wazi kwamba, si rahisi kufanya mambo yaliyo sawa katika ulimwengu huu uliojaa upotovu wa maadili. Lakini inawezekana. Watu wengi wangependa kupata msaada wa kujifunza Biblia na kufuata mafundisho yake. Hii ndiyo sababu Mashahidi wa Yehova wanajifunza Biblia bila malipo na mamilioni ya watu ulimwenguni pote. Kila juma, maelfu ya watu wanajifunza yale ambayo Biblia inafundisha. Matokeo ni kwamba wanamkaribia Muumba wao, na kupata furaha maishani. *

Waulize Mashahidi wa Yehova kwa nini wanaamini dini yao inategemeka

Utakapokutana tena na Mashahidi wa Yehova, waulize kwa nini wanaamini dini yao inategemeka. Chunguza mafundisho na historia yao. Kisha ujiamulie kama kuna dini inayoweza kutegemeka.

^ fu. 5 Kwa habari zaidi, ona kitabu Biblia Inafundisha Nini Hasa? kilichochapishwa na Mashahidi wa Yehova.

Pata Kujua Mengi Zaidi

HABARI NJEMA KUTOKA KWA MUNGU!

Unawezaje Kuitambua Ibada ya Kweli?

Je, kuna dini moja tu ya kweli? Ona mambo matano yanayoitambulisha ibada ya kweli.

MNARA WA MLINZI

Kwa Nini Ujifunze Biblia?

Je, umewahi kuwaza hivi: ‘Nina shughuli nyingi,’ au ‘Ninahofu kuahidi, huenda nisipatikane’?