Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI JULAI 2013

Je, Dini Inategemeka Kuhusiana na Pesa?

Je, Dini Inategemeka Kuhusiana na Pesa?

Estelle * alikuwa akienda kanisani kwa ukawaida pamoja na watoto wake. Anasema hivi: “Nilimwambia mchungaji kwamba nilitaka kujifunza Biblia.” Lakini hakuwahi kumfundisha. Mwishowe akaacha kwenda kanisani. Anaendelea kusema: “Viongozi wa kanisa waliniandikia barua na kusema ikiwa nisingeenda kanisani basi nitume pesa. Nilijiambia, ‘Hawajali kama nitaenda kanisani au la, wanachotaka tu ni pesa.’”

Angelina ambaye sikuzote amekuwa mfuasi wa dini anasema: “Kanisani kwetu kikapu kilipitishwa mara tatu kila kipindi cha ibada, na tulipaswa kutoa sadaka mara zote. Walikuwa wakiomba pesa sikuzote. Nikajiambia, ‘Hawana roho ya Mungu.’”

Je, dini katika eneo lenu huomba pesa moja kwa moja au kwa njia zisizo za wazi? Je, hilo linapatana na Biblia?

BIBLIA INAFUNDISHA NINI?

Yesu, mwanzilishi wa Ukristo, alisema: “Mlipokea bure, toeni bure.” (Mathayo 10:8) Ujumbe wa Biblia haupaswi kuuzwa na unapaswa kupatikana kwa kila mtu anayetaka.

Wakristo wa mapema walipataje pesa za kutegemeza ibada?

Kila mmoja alitoa mchango “kama alivyoazimia moyoni mwake, si kwa kutopenda wala kwa kulazimishwa, kwa maana Mungu humpenda mtoaji mchangamfu.” (2 Wakorintho 9:7) Mtume Paulo alisema: “Ilikuwa kwa kufanya kazi usiku na mchana, ili tusimtwike yeyote kati yenu mzigo wenye gharama, kwamba tuliwahubiria ninyi habari njema.” (1 Wathesalonike 2:9) Paulo alifanya kazi ya kutengeneza mahema ili kutegemeza huduma yake.Matendo 18:2, 3.

MASHAHIDI WA YEHOVA WANAFANYAJE?

Kwa kawaida, Mashahidi wa Yehova hukutana katika majengo yanayoitwa Majumba ya Ufalme. Wanapataje pesa za kulipia gharama? Hawapitishi sahani za michango wakati wa ibada, wala kutoa bahasha za kuomba michango. Badala yake, mtu yeyote anaweza kuweka mchango kwenye sanduku la michango katika Jumba la Ufalme.

Shughuli za kidini zinapaswa kugharimiwaje?

Bila shaka, pesa zinahitajika ili kuchapisha na kusafirisha gazeti hili. Hata hivyo, hutaona matangazo yoyote ya kibiashara au ya kuomba pesa. Jambo linalokaziwa ni kutangaza ujumbe wa Biblia.

Je, kufanya hivyo kunapatana na maneno ya Yesu pamoja na mfano wa Wakristo wa mapema?

^ fu. 2 Baadhi ya majina katika makala hizi yamebadilishwa.