Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

MNARA WA MLINZI MEI 2013

Majibu ya Maswali ya Biblia

Majibu ya Maswali ya Biblia

Je, dhambi zetu zinaweza kusamehewa?

Unaweza kupata kibali cha Mungu

Kulingana na Biblia, wanadamu wote ni wenye dhambi. Tulirithi dhambi kutoka kwa mtu wa kwanza, Adamu. Kwa hiyo, nyakati nyingine sisi hufanya mambo mabaya na baadaye tunajutia matendo hayo. Mwana wa Mungu, Yesu Kristo, alikufa ili kulipia dhambi zetu. Kupitia dhabihu yake ya fidia tunaweza kusamehewa. Ni zawadi kutoka kwa Mungu.—Soma Waroma 3:23, 24.

Baadhi ya watu wamefanya dhambi nzito na huenda wakajiuliza kama Mungu anaweza kuwasamehe. Kwa kupendeza, Neno la Mungu linasema: “Damu ya Yesu Mwana wake hutusafisha kutoka katika dhambi yote.” (1 Yohana 1:7) Yehova yuko tayari kutusamehe hata dhambi nzito tukitubu kikweli.—Soma Isaya 1:18.

Tunapaswa kufanya nini ili tusamehewe?

Ikiwa tunataka Yehova Mungu atusamehe, tunahitaji kujifunza kumhusu—tuelewe njia zake, ushauri wake, na matakwa yake. (Yohana 17:3) Yehova huwasamehe wale wanaotubu makosa yao na kujitahidi kubadilika.—Soma Matendo 3:19.

Unaweza kupata kibali cha Mungu. Yehova anaelewa udhaifu wetu. Yeye ni mwenye rehema na fadhili. Je, fadhili zake zenye upendo hazikuchochei ujifunze mengi kuhusu jinsi unavyoweza kumpendeza?—Soma Zaburi 103:13, 14.

 

Pata Kujua Mengi Zaidi

Fidia—Zawadi Bora Zaidi Kutoka kwa Mungu

Fidia ni nini? Unaweza kufaidikaje kutokana nayo?

Mungu Ni Nani?

Je, Mungu ana jina na je, anatujali?

Je, Wewe Hufanya Yale Ambayo Mungu Anataka?

Ni muhimu kumtii Mungu, hata hivyo kuna jambo lingine linalohitajika ili uweze kuwa rafiki yake.