Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Mnara wa Mlinzi—Toleo la Funzo  |  Juni 2017

Je, Unakumbuka?

Je, Unakumbuka?

Je, umesoma kwa makini matoleo ya hivi karibuni ya Mnara wa Mlinzi? Ona ikiwa unaweza kujibu maswali yafuatayo:

Miongozo inapotolewa na tengenezo la Mungu, akina ndugu kama vile waangalizi wa mzunguko na wazee wa kutaniko, wanapaswa kuwa na mtazamo gani?

Wanapaswa kutii haraka. Wanaweza kujiuliza hivi: ‘Je, ninawachochea watu ninaoshirikiana nao waendelee kuwa na hali nzuri ya kiroho? Je, ninakubali haraka na kuunga mkono mwongozo unaotolewa?’—w16.11, uku. 11.

Wakristo wa kweli walichukuliwa mateka na Wababiloni lini?

Hilo lilitukia muda mfupi baada ya mitume kufa. Wakati huo, jamii ya makasisi ilianza kujitokeza. Kanisa na Serikali ilichochea uasi-imani wa Kikristo na kujaribu kuwakandamiza Wakristo wanaofananishwa na ngano. Lakini katika miongo iliyotangulia mwaka 1914, watiwa mafuta walianza kutoka kwenye uvutano wa Babiloni.—w16.11, uku. 23-25.

Kwa nini kazi ya Lefèvre d’Étaples ilikuwa muhimu?

Katika miaka ya 1520, Lefèvre alitafsiri Biblia katika Kifaransa ili ipatikane kwa watu wa kawaida. Maelezo yake kuhusu mistari fulani ya Biblia ilitumiwa na Martin Luther, William Tyndale, na John Calvin.—wp16.6, uku. 10-12.

Kuna tofauti gani kati ya “kukaza akili juu ya mwili” na “kukaza akili juu ya roho”? (Rom. 8:6)

tu anayekaza akili juu ya mwili hukazia fikira tamaa na mielekeo ya mwili usio mkamilifu, huzungumzia na kutukuza mambo yanayohusiana na mwili nyakati zote. Mtu anayekaza akili juu ya roho hutanguliza mambo na mawazo ya Mungu maishani; Mkristo kama huyo anaongozwa na roho takatifu. Mtu wa kimwili atapatwa na kifo, ilhali wa kiroho atapata uhai na amani.—w16.12, uku. 15-17.

Unaweza kufanya nini ili kupunguza mahangaiko?

Tanguliza mambo yanayofaa, usipangie mambo mengi kuliko unayoweza kutimiza, panga kuwa na wakati wenye utulivu kila siku, furahia uumbaji wa Mungu, uwe mcheshi, fanya mazoezi kwa ukawaida, na ulale vya kutosha.—w16.12, uku. 22-23.

“Enoko alihamishwa ili asione kifo.” (Ebr. 11:5) Jinsi gani?

Inaelekea kwamba Yehova alikatisha uhai wa Enoko bila yeye kujua kwamba anakufa.—wp17.1, uku. 12-13.

Kwa nini sifa ya kiasi ni muhimu?

Sifa ya kiasi hurejelea kuwa na maoni yenye usawaziko na kutambua mipaka yetu. Tunahitaji kutambua jinsi mwenendo wetu unavyoweza kuwaathiri wengine na hatupaswi kujiona kuwa watu wa maana sana.—w17.01, uku. 18.

Kuna uthibitisho gani unaoonyesha kwamba Mungu aliliongoza baraza linaloongoza la karne ya kwanza, kama anavyowaongoza washiriki wa Baraza Linaloongoza leo?

Walielewa kweli za Kimaandiko kwa msaada wa roho takatifu. Kwa msaada wa malaika, walisimamia kazi ya kuhubiri na walitegemea Neno la Mungu ili kuandaa mwongozo. Ndivyo ilivyo leo pia.—w17.02, uku. 26-28.

Ni mambo gani yanayofanya tuione fidia kuwa yenye thamani?

Mambo hayo manne ni: Aliyetoa zawadi, sababu ya kuitoa, jinsi alivyojidhabihu, na uhitaji muhimu uliotimizwa. Tunapaswa kutafakari jinsi mambo hayo yalivyohusika.—wp17.2, uku. 4-5.

Baada ya kufanya uamuzi kuhusu jambo fulani, je, Mkristo anaweza kubadili uamuzi wake?

Tunapaswa kushikamana na uamuzi wetu. Hata hivyo, nyakati nyingine tunahitaji kufikiria upya uamuzi wetu. Watu walipotubu, Mungu alibadili uamuzi wake kuhusu Ninawi. Nyakati fulani, hali au habari mpya zinaweza kufanya tubadili uamuzi wetu.—w17.03, uku. 16-17.

Kwa nini porojo ni hatari sana?

Inaweza kufanya tatizo liwe kubwa kuliko tulivyotarajia. Iwe tumekosea au la, mazungumzo yasiyofaa hayawezi kamwe kurekebisha hali.—w17.04, uku. 21.