Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

AMKENI! SEPTEMBA 2015

 MAONI YA BIBLIA

Umaskini

Umaskini

Licha ya jitihada nyingi za kuondoa umaskini, mamilioni ya watu ulimwenguni bado ni maskini.

Maskini wanawezaje kuwa na furaha?

WATU HUSEMA NINI?

Watu wengi wanaamini kwamba mtu anahitaji kuwa na mali nyingi ili aridhike na kuwa na furaha na kwamba mafanikio ya kweli hutegemea sana kiasi cha pesa alicho nacho mtu. Maskini hawatarajiwi kuwa na furaha na kuridhika maishani kwa kuwa hawana elimu, hawapati huduma nzuri ya afya, na mahitaji mengine.

BIBLIA INASEMA NINI?

Biblia inafundisha kwamba furaha ya kweli haitegemei hali ya uchumi, bali hali ya kiroho ya mtu na uhusiano wake na Muumba. Biblia inasema hivi: “Wenye furaha ni wale wanaotambua uhitaji wao wa kiroho.” (Mathayo 5:3) Licha ya hali yao ya kiuchumi, wale wanaotambua uhitaji wao wa kiroho wanachochewa kutafuta maoni ya Mungu kuhusu mambo fulani na kujifunza kweli za Biblia zinazoleta faraja na amani ya akili. Kufanya hivyo huleta furaha ya kweli.

Wale wote wanaojifunza Biblia na kufuata mashauri yake wanakuwa na uwezo mzuri wa kukabiliana na umaskini. Kwa mfano, Biblia inawashauri watu wajiepushe na tabia zenye madhara, kama vile kuvuta sigara na ulevi. Tabia hizo husababisha matumizi mabaya ya pesa na magonjwa hatari yanayohitaji matibabu yenye gharama kubwa.—Methali 20:1; 2 Wakorintho 7:1.

Biblia pia inaonya kuhusu madhara yanayotokana na pupa na kutafuta mali kupita kiasi. (Marko 4:19; Waefeso 5:3) Ushauri huo unaweza kumsaidia mtu kutopoteza pesa kwa kucheza kamari au kusitawisha ‘upendo wa pesa,’ ambao Biblia unataja kuwa “ni chanzo cha mambo mabaya ya namna zote.” (1 Timotheo 6:10) Biblia inaonya hivi: “Hata wakati mtu ana vitu vingi uzima wake hautokani na vitu alivyo navyo.” (Luka 12:15) Kwa kweli, tunaweza kusema pesa haiwezi kununua uhai. Hivyo, kutumia mashauri yenye hekima yanayopatikana kwenye Biblia kutafanya tuwe na maisha yenye kusudi na tupate furaha ya kweli.

Ingawa watu maskini wanahitaji kutafuta kwa bidii chakula, mavazi, na malazi, wanaweza kupata furaha kwa kuridhika na kile walicho nacho, kumtumikia Muumba, na kuishi kulingana na mapenzi yake. Wanatambua kweli ya ahadi hii ya Biblia: “Baraka ya Yehova—hiyo ndiyo hutajirisha, naye haongezi maumivu pamoja nayo.”—Methali 10:22.

ANDIKO MUHIMU: “Wenye furaha ni wale wanaotambua uhitaji wao wa kiroho.” Mathayo 5:3.

 Je, umaskini utakwisha?

BIBLIA INASEMA NINI?

Wakati jitihada za wanadamu za kuondoa umaskini zimeshindwa, hivi karibuni, Mungu ataondoa chanzo cha umaskini, yaani, watu wenye ubinafsi na watawala wanaotanguliza masilahi yao mbele. (Mhubiri 8:9) Muumba wetu ataziondoa serikali za wanadamu zilizo na ubinafsi. Ufalme wake, au serikali ya kimbingu, itawanufaisha watu wote duniani. Biblia inaahidi waziwazi kwamba akiwa na sifa ya huruma, Mfalme wa Ufalme wa Mungu atatosheleza mahitaji ya maskini. “Kwa maana atamkomboa maskini anayelilia msaada . . . Atamsikitikia mtu wa hali ya chini na maskini, naye ataziokoa nafsi za maskini.”— Zaburi 72:12-14.

Dunia itakuwa paradiso halisi ambayo watu wote wataweza kujenga nyumba, watapata chakula cha kutosha, na umaskini hautakuwepo. Katika kitabu cha Isaya kinachopatikana katika Biblia, Mungu anaahidi kwamba watu wake “watajenga nyumba na kukaa ndani yake, na hakika wao watapanda mashamba ya mizabibu na kula matunda yake. . . . Watu wangu waliochaguliwa wataitumia kazi ya mikono yao wenyewe kikamilifu.” (Isaya 65:21, 22) Badala ya kuhangaika sana ili kupata mahitaji ya msingi, watu wote watafurahia “karamu ya vyakula vinono vilivyotiwa mafuta” na mambo mengine mazuri kutoka kwa Yehova.—Isaya 25:6.

KWA NINI JAMBO HILI NI MUHIMU?

Kutafakari kuhusu ahadi ya Mungu ya kuondoa umaskini kunawahakikishia wote wanaoteseka kwamba Mungu anawajali na hivi karibuni ataondoa mateso hayo. Kukazia fikira tumaini hilo kunaweza kumpa mtu nguvu za kuvumilia hali ngumu sasa.

ANDIKO MUHIMU: “Atamkomboa maskini anayelilia msaada . . . Atamsikitikia mtu wa hali ya chini na maskini, Naye ataziokoa nafsi za maskini.”Zaburi 72:12, 13.

Pata Kujua Mengi Zaidi

Ufalme wa Mungu Ni Nini?

Mfalme wa Ufalme wa Mungu ni nani, na Ufalme huo utafanya nini?

Kwa Nini Mungu Anaruhusu Uovu na Kuteseka?

Uovu ulianzaje, na kwa nini Mungu ameruhusu uendelee? Je, kuteseka kutaisha?

Kanuni za Biblia Zinatunufaishaje?

Yesu alieleza kwa nini tunahitaji mwongozo na ni kanuni gani mbili za Biblia zina umuhimu mkubwa.