Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Amkeni!  |  Julai 2015

 HABARI KUU | JE, UNAONGOZA MAISHA YAKO?

Changamoto: Hisia Zisizofaa

Changamoto: Hisia Zisizofaa

JE, WEWE hulemewa na hisia kama vile huzuni, hasira, au kinyongo? Ikiwa ndivyo, huenda jambo hilo linakufanya uwe na wakati au uwezo mdogo tu wa kutimiza mambo yaliyo muhimu zaidi kwako. Unaweza kufanya nini kuhusiana na hilo? *

MFANO KATIKA BIBLIA: DAUDI

Mfalme Daudi alipambana na hisia mbalimbali kutia ndani mahangaiko na huzuni. Ni nini kilichomsaidia kukabiliana na hisia hizo? Daudi alimtegemea Mungu. (1 Samweli 24:12, 15) Pia, aliandika kuhusu hisia zake. Na akiwa mwanamume mwenye imani, alisali kwa ukawaida. *

MAMBO ANAYOFANYA GREGORY

Kama ilivyotajwa katika makala ya kwanza, Gregory ana ugonjwa wa kuwa na wasiwasi kupita kiasi. Anasema hivi: “Nilikuwa na wasiwasi kupita kiasi, na nilishindwa kujizuia.” Gregory aliweza kushughulikia hali hiyo jinsi gani? Anasema hivi: “Ili kurudia hali yangu, nilikubali msaada wenye fadhili wa mke wangu na rafiki zangu. Pia nilizungumza na daktari na kujifunza mengi kuhusu hali yangu. Nilipofanya mabadiliko fulani maishani, nilianza kuhisi kwamba ninakabiliana vizuri na hali yangu na kwamba siongozwi nayo. Ingawa bado pindi fulani ninakuwa na wasiwasi, sasa ninajua vizuri chanzo cha hali hizo, na ninajua jinsi ya kukabiliana na hali hiyo.”

“Moyo wenye shangwe ni dawa nzuri.”Methali 17:22

MAMBO UNAYOWEZA KUFANYA

Ikiwa unalemewa na hisia zisizofaa, jaribu kufanya yafuatayo:

  • Andika kuhusu hisia zako.

  • Mweleze ndugu au rafiki yako kuhusu hisia zako.

  • Usikubali kushindwa na hisia zisizofaa. Kwa mfano, jiulize hivi: ‘Je, kuna sababu yoyote ya msingi ya kuwa na hisia hizi zisizofaa?’

  • Usijiruhusu uwe na mahangaiko, hasira au kinyongo moyoni. Badala yake tumia nguvu zako kufanya mambo yenye faida. *

Jambo Kuu: Mara nyingi, hisia zisizofaa hazitokani na hali tunazokabili bali mtazamo wetu kuelekea hali hizo.

^ fu. 3 Hisia fulani zisizofaa hutokana na matatizo ya afya ambayo huenda yakahitaji matibabu ya daktari. Gazeti la Amkeni! halipendekezi matibabu fulani hususa. Kila mtu anahitaji kuchunguza kwa makini kabla ya kufanya uamuzi.

^ fu. 5 Zaburi nyingi zilizo katika Biblia ni sala zilizoandikwa na Daudi.

^ fu. 13 Kwa habari zaidi, soma mfululizo wa makala yenye kichwa “Jinsi ya Kukabiliana na Mahangaiko,” katika gazeti la Mnara wa Mlinzi la Julai 1, 2015.

Pata Kujua Mengi Zaidi

MNARA WA MLINZI

“Ufahamu wa Mtu Hakika Hupunguza Hasira Yake”

Tukio fulani la maisha ya Mfalme Daudi wa Israeli linaweza kukusaidia kujua jinsi ya kudhibiti hisia zako unapokosewa au kuudhiwa.

AMKENI!

Jinsi ya Kuishi Maisha Yenye Furaha

Je, ushauri wa Biblia unaweza kukusaidia uwe na maisha yenye furaha? Makala hii inazungumzia kanuni nne za Biblia zinazoweza kukusaidia

MAJIBU YA MASWALI YA BIBLIA

Je, Biblia Inaweza Kunisaidia Nikishuka Moyo?

Kuna mambo matatu ambayo Mungu huandaa kwa ukarimu ili kukusaidia ukabiliane na kushuka moyo.

MAJIBU YA MASWALI YA BIBLIA

Je, Mungu Atanisaidia Nikisali?

Je, Mungu anajishughulisha na matatizo yetu?