Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

AMKENI! JANUARI 2015

 KUUTAZAMA ULIMWENGU

Kuimulika Dini

Kuimulika Dini

Dini inapaswa kuwaunganisha watu. Lakini mara nyingi dini imekuwa chanzo cha migogoro na machafuko.

Ulimwenguni

Zaidi ya asilimia 75 ya idadi ya watu ulimwenguni wanaishi katika nchi ambazo zina vizuizi vya kidini, labda kwa sababu ya sera za serikali au chuki ya kijamii. Hivi karibuni, katika kipindi cha miaka mitano idadi ya nchi zenye visa vya dini ndogo kunyanyaswa imeongezeka maradufu.

JAMBO LA KUFIKIRIA: Ni sababu zipi zinazowafanya baadhi ya watu wasipende dini?—Mathayo 23:27, 28; Yohana 15:19.

Uingereza

Waziri mkuu wa zamani wa Uingereza Tony Blair alieleza hivi katika gazeti la Observer: “Kufanya mambo mabaya kwa kisingizio cha dini” ni moja ya mambo yanayosababisha matukio ya ugaidi unaofanywa leo. Aliongezea kusema hivi: “Mapigano katika karne hii huenda yasisababishwe na tofauti za kisiasa—kama ilivyokuwa katika karne ya 20—badala yake huenda yakasababishwa na tofauti za kitamaduni au za kidini.”

JAMBO LA KUFIKIRIA: Kwa nini mara nyingi dini huwa chanzo cha migawanyiko?—Marko 7:6-8.

Australia

Shirika la Takwimu la Australia linaripoti kwamba mtu mmoja kati ya watano nchini humo anadai kutokuwa mfuasi wa dini yoyote. Ripoti hiyo pia ilisema hivi: “Hata wale wanaodai kuwa wafuasi wa dini hawashiriki kwa bidii katika shughuli za dini.” Ni asilimia 15 tu ya wanaume na asilimia 22 ya wanawake wanaokubali kushiriki kwa bidii katika shughuli au vikundi vya kidini.

JAMBO LA KUFIKIRIA: Ni mambo gani mabaya yanayofanywa katika dini nyingi leo?—Mathayo 7:15-20.

Pata Kujua Mengi Zaidi

Je, Kuna Dini Inayoweza Kutegemeka?

Je, umevunjwa moyo na dini? Ikiwa ndivyo, huenda ukafikiri hakuna dini inayotegemeka. Kujifunza Biblia kunawezaje kukusaidia?

Kwa Nini Mashahidi wa Yehova Hawajihusishi na Siasa?

Je, wanahatarisha usalama wa nchi?