Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

AMKENI! NOVEMBA 2014

“Kumbukumbu Inayoonekana”

“Kumbukumbu Inayoonekana”

KWENYE ukingo wa mashariki wa Mto Motoyasu ulio jijini Hiroshima, Japani, kuna magofu ya jengo fulani ambayo yamekuwapo tangu 1945. Kwa nini jengo hilo limebaki hivyo kwa karibia miaka 70?

Jengo hilo lenye ghorofa tatu lililokamilika mwaka 1915, lilijengwa kwa matofali na saruji, na lilitumika kama ukumbi wa maonyesho ya bidhaa za viwandani. Hata hivyo, hilo lilibadilika Agosti 6, 1945, saa mbili na robo asubuhi. Bomu la kwanza la atomu kutumiwa vitani lililipuka na kufikia kimo cha mita 550 hivi juu ya jiji hilo, karibu sana na ukumbi huo wa maonyesho. Watu wote waliokuwa ndani ya jengo hilo walikufa. Kilichobaki ni magofu tu ya jengo hilo.

Jengo hilo halikujengwa tena, limebaki kuwa “kumbukumbu inayoonekana ya vifaa hatari zaidi vya maangamizi vilivyowahi kubuniwa na wanadamu,” inasema makala ya Shirika la Umoja wa Mataifa [UNESCO]. * Mwaka wa 1996 jengo hilo linaloitwa Makumbusho ya Amani ya Hiroshima liliongezwa kwenye Orodha ya Shirika la UNESCO ya Maeneo Yanayostahili Kuhifadhiwa.

Inasikitisha kwamba, kumbukumbu hizo zenye kuhuzunisha hazijakomesha vita, ambavyo kwa kawaida vinasababishwa na pupa, uzalendo, chuki ya kijamii, kidini na kikabila. Je, vita vitaendelea kuwapo?

Biblia inasema vitakwisha! Andiko la Zaburi 46:9 linasema: “[Mungu] anakomesha vita mpaka kwenye mwisho wa dunia. Upinde anauvunja na kuukata mkuki vipande-vipande; magari ya kukokotwa anayateketeza motoni.” Wakati huohuo, Mungu ataondoa serikali za wanadamu na ufalme wake utaitawala dunia, yaani, Ufalme wa Mungu chini ya Yesu Kristo, anayeitwa “Mfalme wa wafalme.”—Ufunuo 11:15; 19:16.

Baada ya mambo hayo, hatutahitaji tena kumbukumbu za madhara ya vita. Andiko la Isaya 65:17 linasema hivi kuhusu taabu na matatizo ya sasa: “Mambo ya zamani hayatakumbukwa akilini, wala hayataingia moyoni.”

^ fu. 4 Shirika la Umoja wa Mataifa la Elimu, Sayansi na Utamaduni.

Pata Kujua Mengi Zaidi

MAJIBU YA MASWALI YA BIBLIA

Ufalme wa Mungu Utatimiza Nini?

Jifunze mambo unayoweza kutazamia serikali ya Mungu itakapoanza kuitawala dunia.

MNARA WA MLINZI

Mwisho wa Mateso Umekaribia!

Mungu ameahidi kuondoa mambo yote yanayosababisha mateso. Atachukua hatua hiyo lini, na atafanyaje hivyo?