Uhai ni zawadi yenye thamani sana. Jinsi tunavyotumia zawadi hiyo kila siku huonyesha tunaithamini kadiri gani. Tukiwa Mashahidi wa Yehova, tunajitahidi kutumia vipawa na uwezo wetu kumheshimu na kumsifu Yehova, Mpaji-Uhai. (Zb 36:9; Ufu 4:11) Hata hivyo, mahangaiko ya kila siku katika ulimwengu huu mwovu yanaweza kufanya tuache kutanguliza mambo ya kiroho. (Mk 4:​18, 19) Kila mmoja wetu anapaswa kujiuliza: ‘Je, kweli ninampa Yehova kilicho bora? (Ho 14:2) Kazi ninayofanya inaathirije utumishi wangu? Nina miradi gani ya kiroho? Ninaweza kufanya nini ili kupanua utumishi wangu?’ Ikiwa unaona kuna uhitaji wa kufanya maendeleo, sali ili upate msaada wa Yehova halafu ufanye mabadiliko yanayohitajika. Bila shaka, kumsifu Yehova kila siku kunaridhisha na kunatuletea furaha maishani!​—Zb 61:8.

Unatumia vipawa vyako kumsifu nani?

TAZAMENI VIDEO TUMIA VIPAWA VYAKO KUMTUMIKIA YEHOVA, KISHA MJIBU MASWALI YAFUATAYO:

  • Kwa nini si jambo la hekima kutumia vipawa vyako katika ulimwengu wa Shetani? (1Yo 2:17)

  • Wale wanaompa Yehova kilicho bora zaidi wanapata baraka gani?

  • Unaweza kujitolea kutumia vipawa na ustadi wako katika sehemu zipi za utumishi mtakatifu?