Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Daftari la Mkutano wa Huduma na Maisha  |  Machi 2016

 HUDUMA YAKO

Kuboresha Ustadi Wetu Katika Huduma—Andika Utangulizi Wako wa Kutoa Gazeti

Kuboresha Ustadi Wetu Katika Huduma—Andika Utangulizi Wako wa Kutoa Gazeti
TAZAMA
Maandishi
Picha

KWA NINI NI MUHIMU: Ingawa utangulizi unaopatikana kwenye daftari la mkutano unatusaidia tupate mawazo mazuri, utangulizi huo ni kama mwongozo. Unapaswa kutumia maneno yako mwenyewe. Unaweza kuchagua kutumia utangulizi mwingine au habari ambayo itakuwa na matokeo katika eneo lenu. Ikiwa ndivyo, baada ya kusoma gazeti, kuangalia utangulizi, na kutazama video za mapendekezo, unaweza kutumia mapendekezo yafuatayo kuandika utangulizi wako.

JINSI YA KUFANYA HIVYO:

Jiulize hivi, ‘Je, ningependa kutumia mojawapo ya mapendekezo hayo?’

NDIYO

  • Tayarisha maneno ya utangulizi. Baada ya kumsalimu mwenye nyumba, eleza kwa ufupi sababu hususa ya kumtembelea. (Kwa mfano: “Nimekutembelea ili . . . “)

  • Fikiria jinsi utakavyoendeleza mazungumzo kwa kuuliza swali, kusoma andiko, na kutoa chapisho. (Kwa mfano: Kabla ya kusoma andiko unaweza kusema, “Jibu lenye kuridhisha la swali hilo linapatikana kwenye andiko hili.”)

HAPANA

  • Chagua habari katika gazeti inayokupendeza na inayoweza kuwapendeza watu katika eneo lenu

  • Chagua swali la maoni litakalomchochea mwenye nyumba kufikiri na kujieleza, lakini usiulize swali litakalomwaibisha. (Kwa mfano: Unaweza kuuliza maswali yaliyo kwenye ukurasa wa 2 wa magazeti.)

  • Chagua andiko utakalosoma. (Ikiwa unamwonyesha gazeti la Amkeni! si lazima usome andiko, kwa sababu gazeti hilo limekusudiwa watu wasio na ujuzi mwingi wa Biblia na ambao huenda wanatilia shaka dini.)

  • Fikiria sentensi moja au mbili ambayo inaonyesha jinsi mwenye nyumba atakavyonufaika kwa kusoma makala hiyo

UKIAMUA KUTUMIA MAPENDEKEZO YOTE MAWILI

  • Tayarisha swali utakalojibu katika ziara ya kurudia

  • Andika mambo yatakayokusaidia kukumbuka yale unayotaka kusema utakaporudi