Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

DAFTARI LA MKUTANO WA HUDUMA NA MAISHA YETU YA KIKRISTO JANUARI 2016

 MAISHA YA MKRISTO

Kuboresha Ustadi Wetu Katika Huduma—Weka Msingi kwa Ajili ya Ziara ya Kurudia

Kuboresha Ustadi Wetu Katika Huduma—Weka Msingi kwa Ajili ya Ziara ya Kurudia

KWA NINI NI MUHIMU:

Tunataka kutia maji mbegu za kweli tunazopanda. (1Ko 3:6) Tunapompata mtu anayependezwa, ni muhimu kumwuliza swali ambalo tutajibu katika ziara itakayofuata. Kufanya hivyo kutamchochea atazamie kwa hamu ziara yetu na kufanya iwe rahisi kwetu kutayarisha kwa ajili ya ziara hiyo. Tutakaporudi, tunaweza kumwambia tumerudi ili kujibu swali tulilomwuliza tulipomtembelea katika ziara ya kwanza.

JINSI YA KUFANYA HIVYO:

  • Unapojitayarisha kwa ajili ya mahubiri ya nyumba kwa nyumba, tayarisha pia swali ambalo utalijibu katika ziara itakayofuata. Linaweza kuwa swali ambalo jibu lake linapatikana katika chapisho unalopanga kumwachia. Au huenda ni swali ambalo linajibiwa katika chapisho letu la funzo ambalo tunapanga kutumia tunaporudi.

  • Unapomalizia mazungumzo na mtu anayependezwa, mweleze kwamba ungependa kuongea naye wakati mwingine, kisha umwulize swali ulilotayarisha. Ikiwezekana mwulize jinsi mtakavyoweza kuwasiliana.

  • Mnapokubaliana kwamba utarudi wakati fulani hususa, timiza ahadi yako.—Mt 5:37.