Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Daftari la Mkutano wa Huduma na Maisha Yetu ya Kikristo  |  Desemba 2016

 MAISHA YA MKRISTO

Kuboresha Ustadi Wetu Katika Huduma—Tumia Kitabu “Jitunzeni Katika Upendo wa Mungu” Kugusa Mioyo ya Wanafunzi

Kuboresha Ustadi Wetu Katika Huduma—Tumia Kitabu “Jitunzeni Katika Upendo wa Mungu” Kugusa Mioyo ya Wanafunzi

KWA NINI NI MUHIMU: Ni lazima watu wajifunze viwango vya Mungu na kuvifuata ili waweze kumwabudu kwa njia inayokubalika. (Isa 2:3, 4) Kitabu “Upendo wa Mungu” ndicho kitabu cha pili tunachotumia kujifunza na watu. Kinawasaidia wanafunzi wa Biblia kutambua jinsi kanuni za Mungu zinavyohusu maisha ya kila siku. (Ebr 5:14) Ni lazima tujitahidi kugusa mioyo yao tunapowafundisha ili wachochewe kwa njia inayofaa kufanya mabadiliko maishani.—Ro 6:17.

JINSI YA KUFANYA HIVYO:

  • Jitayarishe vizuri ukizingatia mahitaji ya mwanafunzi. Andaa maswali ya maoni yatakayomfanya ajieleze ili ufahamu mawazo na hisia zake kuhusu habari mnayojifunza.—Met 20:5; be 259

  • Tumia masanduku katika kitabu kumsaidia mwanafunzi aone umuhimu wa kutumia kanuni za Biblia

  • Msaidie mwanafunzi mwako atumie kanuni za Biblia anapotafakari masuala yanayohusu dhamiri, lakini usimfanyie maamuzi.—Gal 6:5

  • Kwa busara chunguza ikiwa mwanafunzi wako anahitaji msaada wa jinsi ya kutumia kanuni fulani za Biblia. Kwa fadhili mtie moyo afanye mabadiliko akichochewa na upendo wake kwa Yehova.—Met 27:11; Yoh 14:31