Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Biblia Kwenye Mtandao

BIBLIA TAKATIFU--TAFSIRI YA ULIMWENGU MPYA

Zekaria 6:1-15

6  Ndipo nikainua tena macho yangu nikaona; na tazama! kulikuwa na magari manne yakija kutoka katikati ya milima miwili, na milima hiyo ilikuwa milima ya shaba.  Kulikuwa na farasi wekundu+ katika gari la kwanza; na farasi weusi+ katika gari la pili.  Na katika gari la tatu kulikuwa na farasi weupe;+ na katika gari la nne, farasi wenye madoadoa, wenye madoa ya rangi mchanganyiko.+  Ndipo nikajibu na kumwambia yule malaika aliyekuwa akisema nami: “Magari haya ni nini, bwana wangu?”+  Basi malaika akanijibu: “Hizi ndizo roho nne+ za mbingu zinazotoka+ baada ya kusimama mbele za Bwana+ wa dunia yote.+  Na kuhusu gari lile walimo farasi weusi, wanaenda nchi ya kaskazini;+ na wale weupe wataenda kuelekea upande wa nyuma wa ile bahari; na wale wenye madoadoa wataenda katika nchi ya kusini.+  Na wale wenye madoa ya rangi mchanganyiko,+ wataenda na kuzidi kutafuta mahali pa kwenda, ili kutembea huku na huku duniani.”+ Kisha akasema: “Nendeni, tembeeni huku na huku duniani.” Nao wakaanza kutembea huku na huku duniani.  Naye akanipaazia sauti na kuniambia, akisema: “Ona, wale wanaoenda nchi ya kaskazini ndio wamefanya roho+ ya Yehova itulie katika nchi ya kaskazini.”+  Nalo neno la Yehova likaendelea kunijia, likisema: 10  “Kitu fulani kichukuliwe kutoka kwa watu waliohamishwa,+ kutoka kwa Heldai na Tobaya na Yedaya; nawe mwenyewe uje siku hiyo, nawe uingie katika nyumba ya Yosia mwana wa Sefania+ pamoja na hawa ambao wametoka Babiloni. 11  Nawe uchukue fedha na dhahabu, ufanye taji la fahari,+ uliweke juu ya kichwa cha Yoshua+ mwana wa Yehosadaki kuhani mkuu. 12  Nawe umwambie, “‘Yehova wa majeshi amesema hivi: “Tazama, mtu+ ambaye jina lake ni Chipukizi.+ Naye atachipuka kutoka mahali pake mwenyewe, naye atalijenga hekalu la Yehova.+ 13  Naye mwenyewe atalijenga hekalu la Yehova, naye atachukua heshima;+ ataketi na kutawala juu ya kiti chake cha ufalme, naye atakuwa kuhani juu ya kiti chake cha ufalme,+ na shauri la amani+ litakuwa kati ya vyeo hivyo viwili. 14  Na lile taji la fahari litakuja kuwa la Helemu na Tobaya na Yedaya+ na Heni mwana wa Sefania kama ukumbusho+ katika hekalu la Yehova. 15  Na wale walio mbali watakuja na kujenga katika hekalu la Yehova.”+ Nanyi mtajua ya kuwa Yehova wa majeshi mwenyewe amenituma kwenu.+ Nayo yatatukia—bila shaka ikiwa mtaisikiliza sauti ya Yehova Mungu wenu.’ ”+

Maelezo ya Chini