Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Biblia Kwenye Mtandao

BIBLIA TAKATIFU--TAFSIRI YA ULIMWENGU MPYA

Zaburi 91:1-16

91  Yeyote anayekaa mahali pa siri+ pa Aliye Juu Zaidi+ Atajipatia makao katika kivuli cha Mweza-Yote.+   Nitamwambia Yehova: “Wewe ni kimbilio langu na ngome yangu,+ Mungu wangu, ambaye nitamtegemea.”+   Kwa maana yeye mwenyewe atakukomboa kutoka katika mtego wa mwindaji wa ndege,+ Kutoka kwa tauni inayosababisha shida.+   Kwa manyoya yake ataweka kizuizi usiweze kufikiwa,+ Nawe utapata kimbilio chini ya mabawa yake.+ Ukweli+ wake utakuwa ngao+ kubwa na boma.   Hutaogopa kitu chochote chenye kutia hofu wakati wa usiku,+ Wala mshale+ unaoruka mchana,   Wala tauni inayotembea gizani,+ Wala maangamizi yanayopora katikati ya mchana.+   Elfu wataanguka upande wako Na elfu kumi kwenye mkono wako wa kuume; Haitakukaribia wewe.+   Utatazama kwa macho yako tu+ Na kuona malipo ya waovu.+   Kwa sababu ulisema: “Yehova ni kimbilio langu,”+ Umemfanya Aliye Juu Zaidi awe makao yako;+ 10  Hakuna msiba utakaokuangukia,+ Na hata pigo halitakaribia hema lako.+ 11  Kwa maana atawaamuru malaika zake kukuhusu wewe,+ Ili kukulinda katika njia zako zote.+ 12  Watakuchukua mikononi mwao,+ Ili usiugonge mguu wako juu ya jiwe lolote.+ 13  Utamkanyaga mwana-simba na swila;+ Utamkanyagia chini mwana-simba mwenye manyoya shingoni na nyoka mkubwa.+ 14  Kwa sababu ameweka upendo wake juu yangu,+ Mimi nitamwokoa pia.+ Nitamlinda kwa sababu amelijua jina langu.+ 15  Ataniitia, nami nitamjibu.+ Nitakuwa pamoja naye katika taabu.+ Nitamwokoa na kumtukuza.+ 16  Nitamshibisha kwa wingi wa siku,+ Nami nitamfanya aone wokovu wangu.+

Maelezo ya Chini