Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Biblia Kwenye Mtandao

BIBLIA TAKATIFU--TAFSIRI YA ULIMWENGU MPYA

Zaburi 39:1-13

Kwa kiongozi wa Yeduthuni.+ Muziki wa Daudi. 39  Nilisema: “Nitalinda njia zangu+ Ili nisiendelee kutenda dhambi kwa ulimi wangu.+ Nitaweka lijamu kama mlinzi wa kinywa changu mwenyewe,+ Maadamu mtu yeyote mwovu yuko mbele yangu.”+   Nikawa asiyeweza kusema kwa kukaa kimya;+ Nikaendelea kulinyamazia lililo jema,+ Na kuumia kwangu kukatengwa.   Moyo wangu ukawa na moto ndani yangu;+ Wakati wa kuugua kwangu moto ukaendelea kuwaka. Nilisema kwa ulimi wangu:   “Ee Yehova, nijulishe mwisho wangu,+ Na kipimo cha siku zangu—ni kipimo gani,+ Ili nipate kujua kadiri nilivyo wa muda mfupi.+   Tazama! Umezifanya siku zangu kuwa chache tu;+ Na urefu wa maisha yangu si kitu mbele zako.+ Kwa kweli kila mtu wa udongo, ingawa anasimama imara, si kitu ila pumzi tu.+ Sela.   Kwa kweli mtu hutembea huku na huku kama kivuli tu.+ Kwa kweli wana msukosuko ambao ni ubatili.+ Mmoja anarundika vitu wala hajui ni nani atakayevikusanya.+   Na sasa, nimetumainia nini, Ee Yehova? Matarajio yangu yanakuelekea wewe.+   Unikomboe kutoka katika makosa yangu yote.+ Usiniweke kama shutuma ya mtu asiye na akili.+   Niliendelea kuwa asiyeweza kusema;+ sikuweza kufungua kinywa changu,+ Kwa maana wewe mwenyewe ulichukua hatua.+ 10  Uniondolee pigo lako.+ Nimefikia mwisho kwa sababu ya uadui wa mkono wako.+ 11  Umemrekebisha mtu kwa makaripio dhidi ya kosa,+ Nawe unakula vitu vyake vyenye kutamanika kama nondo.+ Kwa kweli kila mtu wa udongo ni pumzi tu.+ Sela. 12  Uisikie sala yangu, Ee Yehova, Na usikilize kilio changu cha kutaka msaada.+ Usikae kimya machozi yangu yanapotoka.+ Kwa maana, kwako, mimi ni mkaaji mgeni tu,+ Mhamiaji kama vile mababu zangu wote.+ 13  Usinitazame, ili nipate kung’aa+ Kabla sijaenda, nisiwepo.”+

Maelezo ya Chini