Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Biblia Kwenye Mtandao

BIBLIA TAKATIFU--TAFSIRI YA ULIMWENGU MPYA

Zaburi 37:1-40

Ya Daudi. א [ʼA′leph] 37  Usijionyeshe umewaka hasira kwa sababu ya watenda-maovu.+ Usiwaonee wivu wale wanaofanya mambo yasiyo ya uadilifu.+   Kwa maana watakauka haraka kama majani,+ Nao watafifia kama majani mapya ya kijani kibichi.+ ב [Behth]   Mtegemee Yehova na ufanye mema;+ Ukae duniani, na utende kwa uaminifu.+   Pia upate furaha tele katika Yehova,+ Naye atakupa maombi ya moyo wako.+ ג [Gi′mel]   Mkabidhi Yehova njia yako,+ Na kumtegemea,+ naye mwenyewe atatenda.+   Naye atauleta uadilifu wako kama nuru,+ Na haki yako kama katikati ya mchana.+ ד [Da′leth]   Kaa kimya mbele za Yehova+ Na kumngojea kwa kutamani.+ Usijionyeshe umewaka hasira kwa sababu ya mtu yeyote anayeifanikisha njia yake,+ Kwa sababu ya mtu anayetimiza mawazo yake.+ ה [Heʼ]   Acha hasira na uache ghadhabu;+ Usijionyeshe umewaka hasira ili tu kufanya uovu.+   Kwa maana watenda-maovu watakatiliwa mbali,+ Bali wale wanaomtumaini Yehova ndio watakaoimiliki dunia.+ ו [Waw] 10  Na bado muda kidogo tu, na mtu mwovu hatakuwako tena;+ Nawe hakika utapaangalia mahali pake, naye hatakuwapo.+ 11  Bali wapole wataimiliki dunia,+ Nao watapata furaha yao tele katika wingi wa amani.+ ז [Za′yin] 12  Mwovu anampangia hila mwadilifu,+ Naye anamsagia meno yake.+ 13  Yehova mwenyewe atamcheka,+ Kwa maana hakika yeye anaona kwamba siku yake itakuja.+ ח [Chehth] 14  Waovu wamechomoa upanga na kuupinda upinde wao,+ Ili kumwangusha mwenye kuteseka na maskini,+ Ili kuwachinja walio wanyoofu katika njia yao.+ 15  Upanga wao wenyewe utaingia katika moyo wao,+ Nazo pinde zao zitavunjwa.+ ט [Tehth] 16  Afadhali kidogo alicho nacho mtu mwadilifu+ Kuliko wingi wa watu wengi waovu.+ 17  Kwa maana mikono ya waovu itavunjwa,+ Bali Yehova atakuwa anawategemeza watu waadilifu.+ י [Yohdh] 18  Yehova anazijua siku za watu wasio na kosa,+ Nao urithi wao wenyewe utaendelea mpaka wakati usio na kipimo.+ 19  Hawataona aibu wakati wa msiba,+ Na katika siku za njaa watashiba.+ כ [Kaph] 20  Kwa maana waovu wataangamia,+ Nao adui za Yehova watakuwa kama malisho bora; Lazima wao waufikie mwisho wao.+ Katika moshi lazima waufikie mwisho wao.+ ל [La′medh] 21  Mwovu anakopa lakini halipi,+ Lakini mwadilifu anaonyesha kibali na anatoa zawadi.+ 22  Kwa maana wale wanaobarikiwa naye wataimiliki dunia,+ Lakini wale anaowalaani watakatiliwa mbali.+ מ [Mem] 23  Hatua za mwanamume zimetayarishwa na Yehova,+ Na Yeye hupendezwa na njia yake.+ 24  Ijapokuwa huenda akaanguka, yeye hatatupwa chini,+ Kwa maana Yehova anautegemeza mkono wake.+ נ [Nun] 25  Nilikuwa kijana, pia nimezeeka,+ Na bado sijamwona mtu yeyote mwadilifu akiwa ameachwa kabisa,+ Wala uzao wake ukitafuta mkate.+ 26  Anaonyesha kibali na kukopesha mchana kutwa,+ Na kwa hiyo wazao wake watapata baraka.+ ס [Sa′mekh] 27  Geuka mbali kutoka kwa mambo mabaya na ufanye yaliyo mema,+ Na hivyo ukae mpaka wakati usio na kipimo.+ 28  Kwa maana Yehova ni mpenda-haki,+ Naye hatawaacha washikamanifu wake.+ ע [ʽA′yin]Hakika watalindwa mpaka wakati usio na kipimo;+ Lakini wazao wa waovu, hakika watakatiliwa mbali.+ 29  Waadilifu wenyewe wataimiliki dunia,+ Nao watakaa milele juu yake.+ פ [Peʼ] 30  Kinywa cha mwadilifu ndicho kinachotamka hekima kwa sauti ya chini,+ Na ulimi wake ndio unaosema kwa njia ya haki.+ 31  Sheria ya Mungu wake imo katika moyo wake;+ Hatua zake hazitayumba-yumba.+ צ [Tsa·dheh′] 32  Mwovu anaendelea kumwangalia mwadilifu+ Naye anatafuta kumuua.+ 33  Lakini Yehova hatamwacha mkononi mwa huyo,+ Naye hatamtangaza kuwa mwovu anapohukumiwa.+ ק [Qohph] 34  Mtumaini Yehova na kuishika njia yake,+ Naye atakuinua uimiliki dunia.+ Watu waovu watakapokatiliwa mbali, wewe utaona hilo.+ ר [Rehsh] 35  Nimemwona mwovu akiwa mwonevu+ Na akijitandaza kama mti wenye majani mengi katika udongo wa asili.+ 36  Na bado yeye akapitilia mbali, naye hakuwepo;+ Nami nikaendelea kumtafuta, wala hakupatikana.+ ש [Shin] 37  Mwangalie mtu asiye na lawama na uendelee kumwangalia mnyoofu,+ Kwa maana wakati ujao wa mtu huyo utakuwa wenye amani.+ 38  Lakini wakosaji hakika wataangamizwa pamoja;+ Wakati ujao wa watu waovu hakika utakatiliwa mbali.+ ת [Taw] 39  Nao wokovu wa watu waadilifu ni kutoka kwa Yehova;+ Yeye ni ngome yao wakati wa taabu.+ 40  Na Yehova atawasaidia na kuwaokoa.+ Atawaponya kutoka kwa watu waovu na kuwaokoa,+ Kwa sababu wamemkimbilia yeye.+

Maelezo ya Chini