Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Biblia Kwenye Mtandao | BIBLIA TAKATIFU--TAFSIRI YA ULIMWENGU MPYA

Zaburi 139:1-24

Kwa kiongozi. Ya Daudi. Muziki. 139  Ee Yehova, umenichunguza kabisa, nawe unanijua.+   Wewe mwenyewe umepata kujua kuketi kwangu na kusimama kwangu.+ Umeichunguza fikira yangu tokea mbali.+   Umepima kusafiri kwangu na kulala kwangu nikiwa nimejinyoosha,+ Nawe umezijua njia zangu zote.+   Kwa maana hamna neno hata moja katika ulimi wangu,+ Lakini, tazama! Ee Yehova, tayari unajua yote.+   Nyuma na mbele umenizingira; Nawe unauweka mkono wako juu yangu.   Ujuzi wa namna hiyo ni wa ajabu mno kwangu.+ Ni wa juu sana hivi kwamba siwezi kuufikia.+   Ni wapi ninapoweza kwenda mbali na roho yako,+ Na ni wapi ninapoweza kukimbilia mbali na uso wako?+   Kama ningepanda mbinguni, ungekuwa huko;+ Na kama ningetandika kitanda changu katika Kaburi,* tazama! ungekuwa huko.+   Kama ningechukua mabawa+ ya mapambazuko, Ili nipate kuishi katika bahari ya mbali sana,+ 10  Huko, pia, mkono wako ungeniongoza+ Nao mkono wako wa kuume ungenishika.+ 11  Na kama ningesema: “Hakika giza litanifunika haraka!”+ Ndipo usiku ungekuwa nuru kunizunguka.+ 12  Hata giza lenyewe halingekuwa jeusi mno kwako,+ Lakini usiku wenyewe ungeng’aa kama mchana;+ Giza lingekuwa sawa tu na nuru.+ 13  Kwa maana wewe mwenyewe uliumba figo zangu;+ Wewe uliniweka nikiwa nimekingwa katika tumbo la mama yangu.+ 14  Nitakusifu kwa sababu nimeumbwa kwa njia ya ajabu yenye kuogopesha.+ Kazi zako ni za ajabu,+ Kama vile nafsi yangu inavyojua vema.+ 15  Mifupa yangu haikufichwa kwako+ Nilipofanyizwa katika siri,+ Nilipoungwa katika sehemu za chini kabisa+ za dunia. 16  Macho yako yalikiona kiini-tete changu,+ Na katika kitabu chako sehemu zake zote zilikuwa zimeandikwa, Kuhusiana na siku ambazo zilifanyizwa+ Na hakukuwako hata moja kati ya hizo. 17  Kwa hiyo, jinsi mawazo yako yalivyo yenye thamani kwangu!+ Ee Mungu, jinsi jumla yake yote ilivyo kuu!+ 18  Kama ningejaribu kuyahesabu, ni mengi kuliko hata chembe za mchanga.+ Nimeamka, na bado niko pamoja nawe.+ 19  Laiti wewe, Ee Mungu, ungemuua mwovu!+ Ndipo hata watu wenye hatia ya damu+ hakika wangeniondokea, 20  Wanaosema mambo juu yako kulingana na wazo lao;+ Wamelitumia jina lako vibaya+—wapinzani wako.+ 21  Je, mimi siwachukii wale wanaokuchukia vikali, Ee Yehova,+ Na je, sichukizwi na wale wanaokuasi?+ 22  Kwa chuki kamili, ninawachukia.+ Wamekuwa adui halisi kwangu.+ 23  Unichunguze kabisa, Ee Mungu, uujue moyo wangu.+ Unichunguze, na uzijue fikira zangu zinazofadhaisha,+ 24  Na uone kama ndani yangu mna njia yoyote yenye kuumiza,+ Na uniongoze katika njia+ ya mpaka wakati usio na kipimo.

Maelezo ya Chini

Sheoli. Tazama Nyongeza 4.