Hamia kwenye habari

Hamia kwenye menyu ya pili

Hamia kwenye yaliyomo

Mashahidi wa Yehova

Kiswahili

Biblia Kwenye Mtandao | BIBLIA TAKATIFU--TAFSIRI YA ULIMWENGU MPYA

Zaburi 118:1-29

118  Mshukuruni Yehova, kwa maana yeye ni mwema;+ Kwa maana fadhili zake zenye upendo ni za mpaka wakati usio na kipimo.+   Israeli na aseme sasa: “Kwa maana fadhili zake zenye upendo ni za mpaka wakati usio na kipimo.”+   Wale wa nyumba ya Haruni na waseme sasa:+ “Kwa maana fadhili zake zenye upendo ni za mpaka wakati usio na kipimo.”+   Wale wanaomwogopa Yehova na waseme sasa:+ “Kwa maana fadhili zake zenye upendo ni za mpaka wakati usio na kipimo.”+   Kutoka katika hali zenye kutaabisha nilimwitia Yah;+ Yah akanijibu na kuniweka katika mahali penye nafasi pana.+   Yehova yuko upande wangu; sitaogopa.+ Mtu wa udongo anaweza kunitenda nini?+   Yehova yuko upande wangu kati ya wale wanaonisaidia,+ Hivi kwamba mimi nitawatazama wale wanaonichukia.+   Ni afadhali kupata kimbilio katika Yehova+ Kuliko kumtegemea mtu wa udongo.+   Ni afadhali kupata kimbilio katika Yehova+ Kuliko kuwategemea watu wenye vyeo.+ 10  Mataifa yote yalinizunguka.+ Nami niliendelea kuwazuilia mbali katika jina la Yehova.+ 11  Walinizingira, naam, walikuwa wamenizingira.+ Nami niliendelea kuwazuilia mbali katika jina la Yehova. 12  Walinizunguka kama nyuki;+ Walizimwa kama moto wa vichaka vya miiba.+ Nami niliendelea kuwazuilia mbali katika jina la Yehova.+ 13  Ulinisukuma kwa nguvu ili nianguke,+ Lakini Yehova mwenyewe alinisaidia.+ 14  Yah ni kinga yangu na nguvu zangu,+ Naye huwa wokovu kwangu.+ 15  Sauti ya vigelegele vya shangwe na wokovu+ Imo katika mahema+ ya waadilifu.+ Mkono wa kuume wa Yehova unaonyesha nguvu.+ 16  Mkono wa kuume wa Yehova unajiinua;+ Mkono wa kuume wa Yehova unaonyesha nguvu.+ 17  Sitakufa, bali nitaendelea kuishi,+ Ili nizitangaze kazi za Yah.+ 18  Yah alinirekebisha vikali,+ Lakini hakunitia mikononi mwa kifo.+ 19  Nifungulieni malango ya uadilifu.+ Mimi nitayaingia; nitamsifu Yah.+ 20  Hili ndilo lango la Yehova.+ Waadilifu wataliingia.+ 21  Nitakusifu, kwa maana ulinijibu+ Nawe ukawa wokovu wangu.+ 22  Jiwe ambalo wajenzi walilikataa+ Limekuwa jiwe kuu la pembeni.+ 23  Hili limetokana na Yehova mwenyewe;+ Ni la ajabu machoni petu.+ 24  Hii ndiyo siku ambayo Yehova ameifanya;+ Tutaishangilia na kuifurahia.+ 25  Ah, sasa, Yehova, uokoe, tafadhali!+ Ah, sasa, Yehova, ufanikishe, tafadhali!+ 26  Na abarikiwe Yeye anayekuja katika jina la Yehova;+ Tumewabariki ninyi watu kutoka katika nyumba ya Yehova.+ 27  Yehova ndiye Mungu,+ Naye hutupa nuru.+ Fungeni maandamano ya sherehe+ kwa matawi,+ Mpaka kwenye pembe za madhabahu.+ 28  Wewe ni Mungu wangu, nami nitakusifu;+ Mungu wangu—nitakutukuza.+ 29  Mshukuruni Yehova, kwa maana yeye ni mwema;+ Kwa maana fadhili zake zenye upendo ni za mpaka wakati usio na kipimo.+

Maelezo ya Chini