Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Biblia Kwenye Mtandao

BIBLIA TAKATIFU--TAFSIRI YA ULIMWENGU MPYA

2 Wathesalonike 1:1-12

1  Paulo na Silvano na Timotheo+ kwa kutaniko la Wathesalonike katika muungano na Mungu Baba yetu na Bwana Yesu Kristo:  Na muwe na fadhili zisizostahiliwa na amani kutoka kwa Mungu Baba na Bwana Yesu Kristo.+  Tuna wajibu wa kumshukuru Mungu sikuzote kwa ajili yenu,+ akina ndugu, kwa kuwa inafaa, kwa sababu imani yenu inakua+ sana na upendo wa kila mmoja wenu na wa ninyi nyote unaongezeka kwa mtu na mwenzake.+  Matokeo ni kwamba sisi wenyewe tunajivunia+ ninyi kati ya makutaniko ya Mungu kwa sababu ya uvumilivu wenu na imani katika mateso yenu yote na dhiki mnazovumilia.+  Huo ni uthibitisho wa hukumu ya uadilifu ya Mungu,+ inayowaongoza ninyi kwenye hali ya kuhesabiwa kuwa mnastahili ufalme wa Mungu,+ ambao mnateseka kwa ajili yake.+  Hii inazingatia kwamba ni jambo la uadilifu kwa upande wa Mungu kuwalipa dhiki wale wanaowafanyia ninyi dhiki,+  lakini, kwenu ninyi mnaopata dhiki, kitulizo pamoja nasi wakati wa ufunuo+ wa Bwana Yesu kutoka mbinguni pamoja na malaika zake wenye nguvu+  katika mwali wa moto, anapoleta kisasi+ juu ya wale wasiomjua Mungu+ na wale wasiotii+ habari njema juu ya Bwana wetu Yesu.+  Watu hao watahukumiwa adhabu+ ya uharibifu wa milele+ kutoka mbele ya Bwana na kutoka kwenye utukufu wa nguvu zake,+ 10  wakati atakapokuja kutukuzwa kuhusiana na watakatifu+ wake na kustaajabiwa katika siku hiyo kuhusiana na wote walioonyesha imani, kwa sababu ushahidi tulioutoa ulikubaliwa kwa imani kati yenu. 11  Kwa hiyo sisi tunasali sikuzote kwa ajili yenu, ili Mungu wetu awahesabu ninyi kuwa mnastahili mwito+ wake na kufanya kwa ukamili yote anayopenda yaliyo ya wema na ile kazi ya imani pamoja na nguvu; 12  ili jina la Bwana wetu Yesu litukuzwe ndani yenu,+ nanyi katika muungano+ na yeye, kupatana na fadhili zisizostahiliwa+ za Mungu wetu na za Bwana Yesu Kristo.

Maelezo ya Chini