Vipimo vya ufikikaji

Chagua lugha

Hamia kwenye menyu ya pili

Hamia kwenye yaliyomo

Hamia kwenye habari

Mashahidi wa Yehova

Kiswahili

Biblia Kwenye Mtandao

BIBLIA TAKATIFU--TAFSIRI YA ULIMWENGU MPYA

1 Wakorintho 3:1-23

3  Na kwa hiyo, akina ndugu, mimi sikuweza kusema nanyi kama watu wa kiroho,+ bali kama watu wa kimwili, kama watoto+ katika Kristo.  Niliwalisha ninyi maziwa, si chakula,+ kwa maana mlikuwa bado hamna nguvu za kutosha. Kwa kweli, hata sasa hamna nguvu za kutosha,+  kwa maana bado ninyi ni wa kimwili.+ Kwa kuwa kuna wivu na mizozo kati yenu,+ je, ninyi si wa kimwili na je, hamtembei kama wanadamu wanavyotembea?+  Kwa maana mtu anaposema: “Mimi ni wa Paulo,” lakini mwingine anasema: “Mimi ni wa Apolo,”+ je, ninyi si wanadamu tu?  Basi, Apolo+ ni nani? Ndiyo, Paulo ni nani? Wahudumu+ ambao kupitia wao mlikuja kuwa waamini, kama vile Bwana alivyompa kila mmoja.  Mimi nilipanda,+ Apolo akatia maji,+ lakini Mungu akaendelea kuikuza;+  hivi kwamba yeye anayepanda si kitu+ wala yeye anayetia maji, bali Mungu anayeikuza.+  Basi yeye anayepanda na yeye anayetia maji ni kitu kimoja,+ lakini kila mtu atapokea thawabu yake mwenyewe kulingana na kazi yake mwenyewe.+  Kwa maana sisi ni wafanyakazi wenzi wa Mungu.+ Ninyi ni shamba la Mungu linalolimwa,+ jengo la Mungu.+ 10  Kulingana na fadhili zisizostahiliwa+ za Mungu nilizopewa, mimi kama msimamizi wa ujenzi mwenye hekima niliweka msingi,+ lakini mtu mwingine anajenga juu yake. Lakini kila mmoja na aendelee kuangalia jinsi anavyojenga juu yake.+ 11  Kwa maana hakuna mtu anayeweza kuweka msingi+ mwingine wowote kuliko ule uliowekwa, ambao ni Yesu Kristo.+ 12  Basi yeyote akijenga juu ya msingi huo dhahabu, fedha, mawe ya thamani, vifaa vya mbao, nyasi kavu, majani makavu, 13  kazi ya kila mmoja itafunuliwa, kwa maana ile siku itaifichua, kwa sababu itafunuliwa kwa njia ya moto;+ na moto wenyewe utaonyesha kazi ya kila mmoja ni ya aina gani. 14  Kazi ya yeyote ambayo ameijenga juu yake ikibaki,+ atapokea thawabu;+ 15  kazi ya yeyote ikiteketea, atapata hasara, lakini yeye mwenyewe ataokolewa;+ lakini, ikiwa hivyo, itakuwa ni kama kupitia katika moto.+ 16  Je, hamjui kwamba ninyi ni hekalu la Mungu,+ na kwamba roho ya Mungu inakaa ndani yenu?+ 17  Yeyote akiliangamiza hekalu la Mungu, Mungu atamwangamiza yeye;+ kwa maana hekalu la Mungu ni takatifu,+ nanyi ni+ hekalu+ hilo. 18  Yeyote asiwe akijishawishi mwenyewe: Yeyote kati yenu akifikiri yeye ni mwenye hekima+ katika mfumo huu wa mambo, acheni awe mpumbavu, ili awe mwenye hekima.+ 19  Kwa maana hekima ya ulimwengu huu ni upumbavu kwa Mungu;+ kwa maana imeandikwa: “Yeye huwakamata wenye hekima katika ujanja+ wao wenyewe.” 20  Na tena: “Yehova anajua kwamba kufikiri kwa watu wenye hekima ni kwa ubatili.”+ 21  Kwa hiyo yeyote asiwe akijisifu katika watu; kwa maana vitu vyote ni vyenu,+ 22  kama ni Paulo au Apolo+ au Kefa au ulimwengu au uzima au kifo au mambo yaliyo hapa sasa au mambo yatakayokuja,+ vitu vyote ni vyenu; 23  nanyi ni wa Kristo;+ naye Kristo ni wa Mungu.+

Maelezo ya Chini