Hamia kwenye habari

Hamia kwenye menyu ya pili

Mashahidi wa Yehova

Kiswahili

APRILI 7, 2016
URUSI

Wenye Mamlaka Watisha Kufunga Makao Makuu ya Mashahidi wa Yehova Nchini Urusi

Wenye Mamlaka Watisha Kufunga Makao Makuu ya Mashahidi wa Yehova Nchini Urusi

Ofisi ya Mwendesha-Mashtaka Mkuu ya Shirikisho la Urusi imeandika barua ili kuonya Kituo cha Usimamizi cha Mashahidi wa Yehova nchini Urusi kwa sababu ya kupanga utendaji wao wa dini. Jambo la kushangaza ni kwamba utendaji huo unaofanywa kwa amani duniani pote. Onyo hilo lililotolewa Machi 2, 2016, na kutiwa sahihi na Mwendesha-Mashtaka Msaidizi V. Ya. Grin. Barua hiyo inaifafanua ibada ya Mashahidi wa Yehova kuwa “utendaji wa dini wenye msimamo mkali” na imeagiza Kituo hicho kiache “kukiuka sheria” zote ndani ya kipindi cha miezi miwili. Kikishindwa kufanya hivyo Kituo hicho kitafungwa.

Shambulio hili dhidi ya makao makuu ya Mashahidi nchini Urusi ni mwendelezo wa kampeni ya ukandamizaji unaochochewa na serikali. Tangu mwaka wa 2007, wenye mamlaka nchini Urusi wametumia vibaya sheria kuhusu kumaliza dini zenye msimamo mkali ili kukandamiza ibada ya Mashahidi wa Yehova. Kwa sababu ya kutumia vibaya sheria hiyo wamefunga baadhi ya mashirika ya kisheria ya Mashahidi wa Yehova na kupiga marufuku machapisho yao ya dini.