Hamia kwenye habari

Hamia kwenye menyu ya pili

Mashahidi wa Yehova

Kiswahili

OKTOBA 14, 2016
URUSI

Mahakama ya Urusi Imetupilia Mbali Rufani ya Mashahidi ya Kupinga Onyo

Mahakama ya Urusi Imetupilia Mbali Rufani ya Mashahidi ya Kupinga Onyo

Oktoba 12, 2016, Mahakama ya Wilaya ya Tverskoy jijini Moscow ilitupilia mbali rufani ya Mashahidi ya kupinga uhalali wa onyo lililotolewa na Mwendesha-Mashtaka Mkuu dhidi ya Kituo cha Usimamizi cha Mashahidi wa Yehova kilicho karibu na jiji la St. Petersburg. Onyo hilo lililotolewa Machi 2, 2016, linadai kwamba mbali na Kituo hicho cha Usimamizi, mashirika mengine yote ya kidini ya Mashahidi wa Yehova yanajihusisha na “msimamo mkali wa kidini.” Kituo hicho cha Usimamizi kinalaumiwa zaidi kwa kuwa ndicho kituo kikuu cha kitaifa cha Mashahidi wa Yehova nchini Urusi. Madai ya kwamba Mashahidi wa Yehova wana “msimamo mkali wa kidini” yalitokana na ushahidi wa uwongo uliotolewa na wenye mamlaka. Hakimu alikataa kuwaruhusu washtakiwa watoe mashahidi au kuonyesha video zinazothibitisha kwamba machapisho yanayodaiwa kuchochea msimamo mkali wa kidini yalikuwa yamepandikizwa katika majengo ya ibada ya Mashahidi wa Yehova.

Mashahidi watakata rufani dhidi ya uamuzi huo kwenye Mahakama ya Jiji la Moscow. Ikiwa mahakama hiyo itawahukumu kwamba wana hatia, onyo la Mwendesha-Mashtaka Mkuu litatekelezwa. Hilo litatishia uhuru wa ibada ya Mashahidi wa Yehova nchini Urusi. Kutokana na hukumu hii pamoja na uthibitisho uliopandikizwa wa kwamba Mashahidi wa Yehova wana “msimamo mkali wa kidini,” Mwendesha-Mashtaka Mkuu anaweza kuanzisha kesi ya kufunga Kituo hicho cha Usimamizi.