Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

AZERBAIJAN

Maelezo Mafupi Kuhusu Azerbaijan

Maelezo Mafupi Kuhusu Azerbaijan

Mashahidi wa Yehova * walisajiliwa kwa mara ya kwanza jijini Baku mwaka 1999 na walisajiliwa tena mwaka 2002. Katika miaka iliyofuata, Mashahidi walifurahia uhuru wa ibada kwa kiasi fulani, hata hivyo walikabili hatari kubwa kwa kuwa walikuwa chini ya udhibiti wa serikali, hilo lilitia ndani kuvamiwa na askari wakati wa mikutano ya dini na machapisho yao yalizuiwa. Baada ya kubadili sheria zinazohusu dini, serikali * ilikataa kuwasajili tena Mashahidi mwaka 2010 bila sababu za msingi, na hivyo shirika la dini la Baku halitambuliki kisheria.

Mashahidi wa Yehova wanakabili usumbufu na vizuizi vingi kwa sababu serikali inaendelea kudhibiti shughuli za dini. Polisi wamepekua baadhi ya nyumba za Mashahidi na kuharibu mali zao, kutia ndani Biblia. Maofisa wa kulinda usalama wamewakamata na kuwatesa baadhi ya Mashahidi kwa sababu ya kuzungumza na wengine kuhusu imani yao, na kuwatoza faini kubwa na kuwafunga. Katika majiji ambayo Mashahidi hawakuweza kusajiliwa, shughuli zao za dini zinaonwa na wenye mamlaka kuwa si halali. Wanavuruga mikutano yao, wanawakamata wahudhuriaji na kuwatoza faini kubwa.

Kwa kuwa hakuna utumishi wa badala wa kiraia, Mashahidi vijana wanasumbuliwa na kuteswa kwa kukataa kujiunga na jeshi kwa sababu ya dhamiri. Serikali ya Azerbaijan inakiuka makubaliano iliyosaini kwenye Baraza la Ulaya kwa kuzuia uhuru wa ibada, kutia ndani kuamua kukagua na kuzuia machapisho ya Mashahidi. Ili kukabiliana na ukiukwaji wa haki ya kuabudu, Mashahidi wa Yehova wamefungua kesi 19 dhidi ya serikali ya Azerbaijan katika Mahakama ya Ulaya ya Haki za Binadamu tangu mwaka 2007 hadi 2014.

^ fu. 2 Shirika la dini la Mashahidi wa Yehova katika Jamhuri ya Azerbaijani

^ fu. 2 Kamati ya Nchi Inayoshughulikia Mashirika ya Dini