Hamia kwenye habari

AGOSTI 19, 2019
PERU

Mashahidi wa Yehova Nchini Peru Wapanua Mahubiri ya Hadharani Kwenye Matukio Makubwa ya Michezo

Mashahidi wa Yehova Nchini Peru Wapanua Mahubiri ya Hadharani Kwenye Matukio Makubwa ya Michezo

Karibu ndugu na dada zetu 3,000 wanashiriki katika mpango wa mahubiri ya hadharani wakati wa Michezo ya Pan American Games na Michezo ya Parapan American Games huko Lima, Peru. Michezo hiyo iliyoanza Julai 26, 2019, na itakamilika Septemba 1, itahusisha wanariadha 8,500 na inakadiriwa kwamba itawavutia watalii 250,000.

Wahubiri wamepanga vituo 100 vya kuhubiri katika maeneo 53 tofauti ili kuwahubiria wageni wengi wanaotarajiwa. Watatumia machapisho ya Kiaymara, Kifaransa, Kihispania, Kiingereza, Kireno, na Kiquechua (Ayacucho). Vilevile vigari vya mahubiri ya hadharni vitakuwa na video za Lugha ya Ishara ya Kiperu kwa ajili ya wageni viziwi na walio na matatizo ya kusikia.

Ndugu Kemps Moran Hurtado, anayesaidia kuratibu kampeni hiyo, alisema: “Kampeni hii itatusaidia kuwafikia watu wengi sana kutoka nchi na tamaduni mbalimbali, kwa kuwa michezo hii inawavutia watazamaji kutoka ulimwenguni pote. Mahubiri yetu ya hadharani ni sehemu muhimu ya kazi yetu ya kuwafundisha watu Biblia—inawapa watu fursa ya kipekee ya Mashahidi wa Yehova ya kuhubiri hadharani.”

Tunafurahi kusikia kuhusu mpango huu wa kupanua kazi ya kuhubiri. Tuna hakika kwamba Yehova ataendelea kubariki kazi ya ndugu na dada zetu nchini Peru wanapoendelea kuhubiri kila mahali ambapo watu wanapatikana.—Matendo 17:17.