Hamia kwenye habari

SEPTEMBA 20, 2019
KOREA KUSINI

Seoul,Korea Kusini—Kusanyiko la Kimataifa la 2019 la “Upendo Haushindwi Kamwe”!

  • Tarehe: Septemba 13-15, 2019

  • Mahali: KINTEX (Korea International Exhibition Center) iliyoko Seoul, Korea Kusini

  • Lugha ya Programu: Kichina cha Mandarin, Kiingereza, Kiindonesia, Kikorea, Kirusi, Kivietnam

  • Idadi ya Wahudhuriaji: 60,082

  • Idadi ya Waliobatizwa: 478

  • Idadi ya Wajumbe Kutoka Mataifa Mbalimbali: 6,076

  • Ofisi za Tawi Zilizoalikwa: Brazili, Czech-Slovak, Finland, Ufaransa, Ugiriki, Indonesia, Kazakhstan, Malasia, Skandinavia, Marekani, Vietnam

  • Mambo Yaliyoonwa: Choi Ji-woong, Meneja mkuu wa kampuni iliiyoandaa chakula cha wajumbe alisema hivi: “Mmoja wa wafanyakazi wangu amesema kwamba mradi huu umenifanya nijue jinsi Mashahidi wa Yehova walivyo na fadhili. Nilipendezwa sana na jinsi Mashahidi wa nchi za kigeni na Mashahidi wa Kikorea walivyoonyeshana upendo licha ya kwamba walikuwa wakionana kwa mara ya kwanza. Ni kana kwamba marafiki wa karibu walikuwa wamekutana baada ya muda mrefu. Nimehudhuria mikutano mingi ya kidini, lakini tukio hili lililoandaliwa na Mashahidi wa Yehova limekuwa la kipekee kwangu.”

    Ahn Seon-ju, Eutteum mshiriki wa halmashauri ya wasimamizi ya Kampuni ya Usafiri, alisema hivi: “Baada ya kuona fadhili ya Mashahidi wa Yehova pamoja na tabasamu zao, kulinikumbusha kwamba madereva wetu pia wanapaswa kuwa kama wao. Mwanzoni nilijiuliza siri yao ni nini, lakini nilipoendelea kufanya nao kazi, niliguswa moyo kujua kwamba walipendana na kuheshimiana kikweli na walikuwa wakitenda kulingana na imani yao. Nilishangaa kujua kwamba kila Shahidi alijitolea kwa hiari kufanya kazi. Nilianza kufikiria mambo ambayo ninahitaji kufanyia kazi mimi binafsi nilipoona Mashahidi wa Yehova wakisikilizana kwa makini na kuitikia kwa tabasamu. Ikiwa ningepata fursa, ningependa kufanya kazi na Mashahidi wa Yehova tena wakati mwingine.”

    Kim Gyo-Shik, maneja msimamizi wa Eneo la Sanaa Dae-jang-geum la kituo cha kurusha matangazo cha Munhwa alisema hivi: “Tukio lililoandaliwa na Mashahidi wa Yehova liligusa moyo sana. Licha ya kwamba mimi ni Mkatoliki, tukio hili limenifanya nijionee jinsi Wakristo wa kweli wanavyopaswa kutenda. Mimi pamoja na wafanyakazi wetu, tuliona jinsi Mashahidi hushirikiana na jinsi walivyojipanga. Wanaonyesha wengine fadhili na hata wanaomba ruhusu ya kutumia vitu vidogo vidogo katika eneo letu. Ninapojiweka katika hali ya kuwa mmoja wa Mashahidi wa Yehova, ninajivunia kwa sababu ya mwenendo huo mzuri”

 

Kikundi cha ndugu na dada wakiwasalimu wajumbe waliofika kwenye uwanja wa ndege kwa shauku

Wajumbe wakishiriki utumishi wa hadharani pamoja na ndugu na dada wenyeji

Dada mgeni akimpiga picha dada mwenyeji na mtoto wake

Dada mgeni akimpiga picha dada mwenyeji na mtoto wake

Wahudhuriaji waliofurika kama bahari wakisikiliza siku ya Jumamosi mchana

Ndugu akikalimani maswali ya ubatizo kwa ndugu asiyeweza kuona na kusikia kwa kuongoza mikono yake kwa lugha ya ishara

Dada watatu wakisikiliza kwa makini wakati wa programu huku wakiandika mambo makuu

Ndugu Stephen Lett akitoa hotuba ya mwisho Jumamosi

Picha iliyochukuliwa kutoka angani ya madimbwi sita ya ubatizo uliofanyika Jumamosi mchana

Watumishi wa wakati wote wakipungia watazamaji mwishoni mwa programu ya Jumapili

Kikundi cha wahudhuriaji, baadhi yao wakiwa wamevaa nguo za asili, wakiwa wamesimama pamoja ili kupiga picha

Wajumbe wakitazama picha inayoonyesha ndugu na dada wengi ambao walidumisha uaminifu wao katika Betheli ya Korea

Wajumbe kutoka mataifa mbalimbali wakipigwa picha na dada wenyeji kwenye moja wapo ya maeneo waliopangiwa kutembelea

Kikundi cha akina dada waliocheza dansi ya asili ya Kikorea inayoitwa buchaechum kwa ajili ya wajumbe wakipigwa picha