Wanabetheli 50 hivi wanatumika muda wote katika jiji la Douala, Kamerun. Hivi karibuni watafurahia kuwa na ofisi mpya kwa kuwa ofisi wanazotumia sasa zilizoko katika eneo la Bonabéri la jiji hilo zitahamishiwa kwenye majengo mapya yanayojengwa kwenye eneo la Logbessou. Ujenzi huo unaonyesha kwamba kazi inaongezeka nchini Kamerun, hudhurio la Ukumbusho wa kifo cha Kristo nchini humo lilikuwa watu zaidi ya 100,000 katika 2017, idadi hiyo ni zaidi ya maradufu ya wahubiri.

Ndugu zetu wakiweka vifaa vya kudhibiti radi.

Eneo la ujenzi liko kando ya Jumba la Kusanyiko. Kazi inafanywa kwa bidii na ilianza kwa kuchimba msingi. Mradi unapokamilika, kutakuwa na jengo la makazi na jengo la ofisi, kama inavyoonyeshwa hapo juu. Kulingana na makadirio ya sasa, familia ya Betheli itahamia huko kufikia mwishoni mwa mwaka wa 2019.

Gilles Mba, mshiriki wa familia ya Betheli Kamerun anayefanya kazi katika Dawati la Habari za Umma, anasema hivi: “Inapendeza kuona kwamba maelfu ya ndugu zetu wamejitolea kusaidia ujenzi na wana roho kama ya Isaya.” (Isaya 6:8) Anaongeza kusema hivi, “Bidii yao imetufanya tuhisi tuna nguvu mpya tunapofanya kazi katika ofisi hii. Tuna hamu na tuko tayari kutumia ofisi mpya kwa kazi zilizotengewa, yaani, kutukuza jina la Yehova.”

Baadhi ya ndugu zaidi ya 2,800 waliohudhuria mkutano wa pekee wa kujifunza jinsi ambavyo wangeweza kuunga mkono ujenzi wa ofisi ya tawi.