Hamia kwenye habari

NOVEMBA 6, 2019
HISPANIA

Mafuriko Makubwa Yasababisha Uharibifu Mashariki mwa Hispania

Mvua kubwa iliyonyesha mara kadhaa ilisababisha uharibifu mkubwa huko mashariki mwa Hispania katika miezi ya Septemba na Oktoba 2019. Mvua kubwa zaidi ilinyesha katika jimbo la Tarragona na kusababisha mto Francolí ufurike sana. Inasikitisha kwamba watu watano walikufa katika mafuriko hayo. Wawili kati yao walikuwa ndugu zetu waliokuwa wakivuka daraja kuelekea nyumbani kutoka kwenye mkutano wa kutaniko na ghafla gari lao likabebwa na maji.

Wazee wanawafariji ndugu na dada wa kutaniko la eneo hilo wanapoendelea kuomboleza msiba huo. Mshiriki wa Halmashauri ya Tawi ya Hispania alitembelea kutaniko hilo ili kufanya ziara ya uchungaji.

Tunasali kwamba Yehova aendelee kuwafariji ndugu na dada zetu wanapokabiliana na jaribu hili.—2 Wakorintho 1:3, 4.