Hamia kwenye habari

SEPTEMBA 19, 2019
GABON

Kampeni ya Pekee ya Kuhubiri Nchini Gabon

Ili kufikia maeneo ambayo hayajahubiriwa kwa ukawaida nchini Gabon, ofisi ya tawi ya Kamerun ilipanga kampeni ya pekee kuanzia Juni 1 hadi Agosti 31, 2019. Lengo lilikuwa kuwafikia wakazi wa majiji kumi yenye idadi kubwa zaidi ya watu: Franceville, Koulamoutou, Lambaréné, Libreville, Makokou, Moanda, Mouila, Oyem, Port-Gentil, na Tchibanga. Kampeni hiyo ilifanywa na wajitoleaji 400 kutoka mataifa mbalimbali yaliyotia ndani Ubelgiji, Kanada, Ufaransa, na Marekani.

Kuna watu zaidi ya milioni mbili wanaoishi nchini Gabon. Ingawa asilimia 80 ya watu wanazungumza Kifaransa, ambayo ndiyo lugha rasmi, inakadiriwa kwamba asilimia 30 wanazungumza lugha ya Fang. Hivyo, kampeni hiyo ilikuwa katika lugha zote mbili.

Mtu fulani anayezungumza Kifang ambaye alipendezwa na ujumbe wa Biblia, anayeishi katika eneo la Bissegue huko Libreville, alisema hivi: “Hii ndiyo mara yangu ya kwanza kabisa kusikia ujumbe wa Mungu katika lugha yangu ya mama!”

Dada mmoja aliyeshiriki katika kampeni hiyo alisema hivi: “Kampeni hii imeonyesha wazi upendo na umoja uliopo katika tengenezo la Yehova. Akina ndugu na dada ni wachangamfu, wakaribishaji, wakarimu, wenye kutia moyo, na wana upendo wa kweli. Kampeni hii imenikumbusha maneno ambayo Paulo alisema kuhusu kutaniko la Filipi—tuna ‘akili ileile na upendo uleule, tukiwa tumeunganishwa kabisa, tukiwa na wazo moja akilini.’”—Wafilipi 2:2.