Hamia kwenye habari

JUNI 22, 2021
FILIPINO

Mashahidi wa Yehova Watoa Tafsiri ya Ulimwengu Mpya Katika Lugha ya Bicol

Mashahidi wa Yehova Watoa Tafsiri ya Ulimwengu Mpya Katika Lugha ya Bicol

Juni 20, 2021, Biblia Takatifu—Tafsiri ya Ulimwengu Mpya ilitolewa katika mfumo wa kidijitali katika lugha ya Bicol. Ndugu Denton Hopkinson, mshiriki wa Halmashauri ya Tawi ya Filipino, alitoa Biblia wakati wa mkutano wa pekee kupitia mtandao ambao ulipeperushwa kwa wahubiri katika makutaniko 97.

Mambo Makuu ya Mradi

  • Bicol ni lugha inayozungumzwa na watu milioni 5.8 ambao wanaishi katika majimbo 5 ya Filipino: Albay, Camarines Norte, Camarines Sur, Catanduanes, na Sorsogon

  • Ndiyo lugha ya tano inayozungumzwa na watu wengi zaidi nchini Filipino

  • Zaidi ya wahubiri 5,800 wanatumikia katika makutaniko ya lugha ya Bicol

  • Vikundi 2 vya utafsiri vilitumia miaka 7.5 kukamilisha mradi huo

Mshiriki wa kikundi cha watafsiri alieleza hivi: “Kwa kuwa lugha ya Bicol ina lahaja kadhaa tofauti, jitihada ya pekee ilifanywa ili kutumia maneno yanayoweza kueleweka kwa urahisi na watu wengi zaidi katika eneo ambalo lugha ya Bicol inazungumzwa.”

Mtafsiri mwingine alisema hivi: “Tuna uhakika kwamba toleo hili linalotumia lugha ya wazi na ya kisasa litawasaidia wasomaji kuelewa maana ya maandishi ya Biblia.”

Nchini Filipino, Biblia mzima ya toleo lililorekebishwa la Tafsiri ya Ulimwengu Mpya inapatikana katika lugha nyingine sita za kienyeji: Kicebuano, Kihiligaynon, Kiiloko, Kipangasinan, Kitagalog, na Kiwaray-Waray.

Tunashangilia pamoja na ndugu na dada zetu wanaozungumza lugha ya Bicol kwa sababu ya toleo hili la karibuni. Tuna uhakika kwamba Biblia hii itawasaidia watu wengi zaidi kumsifu Yehova na ‘kufurahia maisha milele.’—Zaburi 22:26.