Hamia kwenye habari

SEPTEMBA 11, 2019
FILIPINO

Mafuriko ya Ghafla Nchini Filipino

Agosti 28, 2019, mvua kubwa zilifanya Mto Talomo ufurike na kuingia katika Jiji la Davao. Kulingana na habari za serikali, mafuriko yaliyotokea yalilazimisha familia 545 kuhama.

Ofisi ya tawi ya Filipino inaripoti kwamba wahubiri 120 kutoka makutaniko matano waliathiriwa na msiba huo. Wengi kati ya wahubiri walikimbilia kwenye Jumba la Ufalme la eneo hilo. Mafuriko hayo yaliyobomoa kabisa nyumba za akina ndugu watatu na kuharibu za wengine wanne.

Ofisi ya tawi ilianzisha Halmashauri ya Kutoa Msaada (DRC) ili kushughulikia mahitaji ya akina ndugu na dada walioathiriwa. Halmashauri hiyo imeanza kuratibu kusafirishwa kwa misaada na kupanga utaratibu wa kufanya usafi wa nyumba zilizojaa matope kutokana na mafuriko hayo.

Tunasali kwamba ndugu na dada zetu katika Jiji la Davao wataendelea kufarijiwa na upendo wa kindugu uliopo hata katika nyakati ngumu.—Waroma 12:10.