Hamia kwenye habari

SEPTEMBA 10, 2019
JAPANI

Mafuriko Nchini Japani

Agosti 28, 2019, mvua kubwa katika eneo la Kyushu la Japani ilisababisha mafuriko makubwa. Kwa kuwa mito ilifurika na kulikuwa na uwezekano mkubwa wa maporomoko ya ardhi kutokea, agizo lilitolewa kwamba zaidi ya watu 800,000 wahamishwe. Ofisi ya tawi ya Japani inaripoti kwamba wahubiri 82 walilazimika kuhama kutoka nyumbani kwao. Kulingana na ripoti ya karibuni zaidi, jumla ya nyumba 40 za ndugu zetu ziliharibiwa na Jumba moja la Ufalme liliharibiwa kidogo.

Ofisi ya tawi imeanzisha Halmashauri ya Kutoa Msaada ili kushughulikia wahubiri walioathiriwa. Waangalizi wa mzunguko, pamoja na wazee wa eneo na wahubiri, wanashughulikia mahitaji ya kiroho na ya kimwili ya ndugu zetu. Tunashukuru sana kwamba upendo unawachochea wengi sana kushughulikia mahitaji ya waamini wenzetu.—2 Wakorintho 8:4.