Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

MEI 10, 2013
SLOVAKIA

Mashahidi wa Yehova Waadhimisha Miaka 100 Nchini Slovakia

Mashahidi wa Yehova Waadhimisha Miaka 100 Nchini Slovakia

BRATISLAVA, Slovakia—Mashahidi wa Yehova nchini Slovakia walipanga kuwe na siku ya wageni katika ofisi yao ya tawi Desemba 15, 2012, kusherehekea miaka 100 tangu kuanzishwa kwa elimu ya Biblia nchini humo. Mialiko ilitolewa kwa majirani watembelee majengo na kujionea shughuli zinazofanywa hapo. Zaidi ya wageni 200 walitembelea ofisi hiyo, na kuona sehemu kumi zilizoonyesha mambo muhimu yaliyofanywa katika historia ya Mashahidi wa Yehova nchini Slovakia.

Katika mwaka wa 1912, wawakilishi wa Mashahidi wa Yehova walianza kazi yao ya elimu ya Biblia nchini Slovakia. Mwaka 1991, Mashahidi walitoa tafsiri sahihi ya Biblia inayoweza kusomwa kwa urahisi ya lugha ya Kislovakia. Ofisi ya tawi katika Bratislava inategemeza kazi ya vikundi vitano vya Slovaki vya kutafsiri. Kazi ya kutafsiri inatia ndani pia kutafsiri Lugha ya Ishara ya Kislovakia na Slovakia ya Roma ya Mashariki na lahaja za Olah Roma. Machapisho yote pamoja na Biblia zinazotolewa na Mashahidi hutolewa bila malipo. Kufikia sasa, zaidi ya Mashahidi 11,000 nchini Slovakia wanajifunza Biblia na watu zaidi ya 3,400 kila juma nyumbani kwao bila malipo, wakiwasaidia watu wa kila umri kupata furaha wakiwa mtu mmoja mmoja na familia.

Mikutano kwa ajili ya elimu zaidi ya Biblia, inafanywa kwenye makutaniko 160 kotekote nchini, na watu wote wanaalikwa kuhudhuria vipindi hivyo bila malipo. Pia, kwa sababu kusanyiko la kwanza lilifanywa mwaka wa 1923, Mashahidi wa Yehova wana historia ndefu ya kufanya makusanyiko ya kila mwaka. Mwaka 2006, Mashahidi wa Yehova walikuwa na kusanyiko la kipekee katika Bratislava ambapo watu zaidi ya watu 10,700 walihudhuria, kutia ndani wajumbe zaidi ya 3,600 kutoka Jamhuri ya Cheki, Hungaria, na Rumania.

Rastislav Eliaš, msemaji wa Mashahidi wa Yehova nchini Slovakia, anasema: “kwa zaidi ya miaka 100, Mashahidi wa Yehova nchini Slovakia wamejulikana kuwa raia wenye amani na wanyoofu ambao wanadumisha uhusiano mzuri pamoja na watu wao wa ukoo na wenyeji wa eneo lao. Tutaendelea kufanya kila tunaloweza kuwasaidia jirani zetu wafaidike na elimu ya Biblia, kama vile tu sisi wenyewe tunavyojitahidi kufaidika na elimu hiyo.”

Wanahabari Wanaweza Kuwasiliana na:

International: J. R. Brown, Ofisi ya Habari za Umma, simu +1 718 560 5000

Slovakia: Rastislav Eliaš, simu +421 2 49107611