Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

MEI 22, 2015
MEXICO

Mashahidi Washiriki Maonyesho Makubwa ya Vitabu ya Kihispania

Mashahidi Washiriki Maonyesho Makubwa ya Vitabu ya Kihispania

MEXICO CITY—Mashahidi wa Yehova walialikwa kushiriki katika Maonyesho ya Kimataifa ya Vitabu ya Guadalajara, makubwa zaidi katika nchi zinazozungumza Kihispania na ya pili duniani baada ya maonyesho ya Frankfurt, Ujerumani. Maonyesho hayo yalifanywa Guadalajara, Mexico, Novemba 28 hadi Desemba 6, 2014, na yalihudhuriwa na zaidi ya wageni 760,000.

Zaidi ya nakala 4,000 za buku la kwanza na la pili ya kitabu Maswali Ambayo Vijana Huuliza—Majibu Yafanyayo Kazi zilitolewa.

Mashahidi wa Yehova walishiriki katika maonyesho hayo pamoja na mashirika 1,900 hivi ya uchapishaji kutoka nchi 44. Walikuwa na kibanda chenye Biblia na machapisho yanayotegemea Biblia, kutia ndani vitabu vilivyozungumzia familia, matineja, na watoto.

Gamaliel Camarillo, msemaji wa Mashahidi wa Yehova nchini Mexico, alisema hivi: “Katika kipindi cha siku nne, kibanda chetu kilitembelewa na zaidi ya wageni 10,000 na tulitoa karibu machapisho 29,000, bila malipo. Hata hivyo, lengo letu si kutoa machapisho tu. Magazeti na vitabu vyetu vimekusudiwa kukazia umuhimu wa mashauri ya Biblia, ambayo yanasaidia mamilioni ya watu kila siku.”

Wanahabari Wanaweza Kuwasiliana na:

J. R. Brown, Ofisi ya Habari za Umma, simu +1 718 560 5000

Mexico: Gamaliel Camarillo, simu +52 555 133 3048