Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

NOVEMBA 27, 2012
KOREA KUSINI

Mashahidi wa Yehova Waadhimisha Miaka 100 Nchini Korea Kusini

Mashahidi wa Yehova Waadhimisha Miaka 100 Nchini Korea Kusini

SEOUL, Korea—Novemba 2012 ni mwezi wa pekee kwa Mashahidi wa Yehova zaidi ya 100,000 nchini Korea Kusini kwa kuwa wanaadhimisha mwaka wao wa 100 nchini humo. Mashahidi wanaadhimisha miaka hiyo 100 kwa kushiriki katika kampeni ya nchi nzima ya kugawia watu wote trakti ya maadhimisho hayo. Trakti hiyo yenye picha zenye kuvutia inaelezea historia fupi ya Mashahidi wa Yehova nchini Korea Kusini na mambo wanayofanya sasa katika jamii.

Katika mwaka wa 1912, wawakilishi wa Mashahidi wa Yehova walianza kazi yao ya kuwafundisha watu Biblia nchini Korea.. Kufikia sasa, Mashahidi wamechapa Biblia za Kikorea karibu 700,000, na kila juma wanafundisha watu zaidi ya 70,000 Biblia nyumbani kwao bila malipo. Katika makutaniko zaidi ya 1,300 nchini humo, Mashahidi hufanya mikutano yao ya kila juma ya kujifunza Biblia ambayo mtu yoyote anaweza kuhudhuria. Pia wamefanya makusanyiko ya kila mwaka kwa miaka mingi. Kusanyiko la kwanza lilifanywa katika mwaka wa 1954. Makusanyiko hayo hufanywa kwa ajili ya watu wote si katika Kikorea tu bali pia, tangu mwaka wa 1997, yamefanywa katika Lugha ya Ishara ya Korea. Katika mwaka wa 2009, Mashahidi wa Yehova waliandaa kusanyiko la kimataifa katika mji wa Seoul ambapo zaidi watu 58,000 walihudhuria, kutia ndani wageni zaidi ya 6,500 kutoka nchi 11. Ofisi ya tawi ya Mashahidi iliyo katika mji wa Seoul ilianzishwa mwaka wa 1953.

Dae-il Hong, msemaji wa Mashahidi wa Yehova nchini Korea, anasema: “Huu ni mwadhimisho wa miaka 100 ya utumishi kwa majirani wetu.” Na anafafanua hivi: “Tunaamini kwamba kufuata kanuni za Biblia kunatokeza ndoa imara, kunaongeza furaha ya familia, na kunaimarisha jamii. Tunatarajia kuitumikia jamii kwa miaka mingine mingi.”

Wanahabari Wanaweza Kuwasiliana na:

J. R. Brown, Ofisi ya Habari za Umma, simu+1 718 560 5000

Jamhuri ya Korea: Dae-il Hong, simu +82 10 3951 0835