Mashahidi wa Yehova wanaendelea kutoa misaada kwa waabudu wenzao na pia kwa waathiriwa wengine wa mafuriko katika Jamhuri ya Kidemokrasia ya Kongo. Mafuriko hayo yalitokea katika mji wa Boma, ulioko kilomita 470 hivi kusini magharibi ya Kinshasa, katika juma la Desemba 26.

Jumla ya familia 39 za Mashahidi ziliathiriwa na Shahidi mmoja alikufa kutokana na mafuriko hayo. Kwa kuongezea, nyumba tano za Mashahidi ziliharibiwa kabisa, na nyingine tano ziliharibiwa kidogo.

Ofisi ya tawi ya Mashahidi wa Yehova nchini Kongo ilisafirisha chakula na nguo kuelekea sehemu za magharibi mwa nchi hiyo ili kuwapa mahitaji ya msingi Mashahidi walioathiriwa. Mashahidi kutoka miji ya Matadi na Muanda, iliyoko kilomita 80 kutoka Boma, walijitolea hata zaidi kuwasaidia waabudu wenzao.

Baraza linaloongoza la Mashahidi wa Yehova linasimamia kazi za kutoa msaada nchini Kongo likiwa katika makao yao makuu huko Warwick, New York kwa kutumia pesa zilizochangwa kwa ajili ya kazi ya kuhubiri ya Mashahidi inayofanywa ulimwenguni pote.

Wanahabari Wanaweza Kuwasiliana na:

David A. Semonian, Ofisi ya Habari za Umma, +1-845-524-3000

Jamhuri ya Kidemokrasia ya Kongo: Robert Elongo, +243-81-555-1000