Mshiriki wa halmashauri ya kutoa msaada akitoa msaada.

DOUALA, Kamerun—Vita vya kikabila na kidini katika maeneo fulani ya Jamhuri ya Afrika ya Kati imewalazimisha Mashahidi wa Yehova kukimbilia nchi jirani za Kamerun na Jamhuri ya Kidemokrasia ya Kongo, ambako wamekaribishwa na kutunzwa na waabudu wenzao.

Baada ya msukosuko uliotokea Julai 13, 2017, Mashahidi wa Yehova 15 hivi na familia zao, kutia ndani mtoto mchanga, walikimbilia kijiji cha Mbai Mboum mashariki ya Kamerun. Juma moja baadaye, kwa sababu ya vurugu iliyohusisha vikundi vyenye silaha kuteketeza nyumba, Mashahidi wa Yehova 60 hivi kutoka Bangassou katika Jamhuri ya Afrika ya Kati, walikimbilia mji wa Ndu, katika Jamhuri ya Kidemokrasia ya Kongo, ambako walipokelewa na Mashahidi wenzao.

Mtoto mchanga yupo miongoni mwa wakimbizi.

Jean-Bernard Fayanga, msemaji wa Mashahidi wa Yehova katika Jamhuri ya Afrika ya Kati, alisema hivi: “Tunafurahi kusikia kwamba hakuna ndugu au dada aliyeuawa katika vurugu hizo. Tunafanya kazi kwa ukaribu na ofisi za tawi za Kamerun na Kongo kuanzisha halmashauri za kutoa msaada katika eneo hilo ili kuwaandalia Mashahidi wenzetu maji ya kunywa, chakula, makao ya kutosha, na msaada wa kiroho.”

Wazee Mashahidi wamepanga kuandaa msaada wa kiroho, kama vile nafasi za kutazama video zinazotegemea Biblia katika lugha yao ya Sango.

Baraza Linaloongoza la Mashahidi wa Yehova linasimamia kazi ya kutoa msaada kutoka kwa makao yao ya ulimwenguni pote likitumia michango inayotolewa kwa ajili ya kazi ya kuhubiri ya Mashahidi ya ulimwenguni pote.

Wanahabari Wanaweza Kuwasiliana na:

David A. Semonian, Ofisi ya Habari za Umma, simu +1-845-524-3000

Kamerun: Gilles Mba, +237-6996-30727

Jamhuri ya Afrika ya Kati: Jean-Bernard Fayanga, +236-7575-1605