Vipimo vya ufikikaji

Chagua lugha

Hamia kwenye menyu ya pili

Hamia kwenye habari

Mashahidi wa Yehova

Kiswahili

FEBRUARI 17, 2014
FILIPINO

Habari ya Karibuni: Mashahidi wa Yehova Watoa Msaada Baada ya Kimbunga Haiyan

Habari ya Karibuni: Mashahidi wa Yehova Watoa Msaada Baada ya Kimbunga Haiyan

MANILA, Filipino—Baada ya uharibifu mkubwa uliosababishwa na Kimbunga Haiyan, Mashahidi wa Yehova walifanya mipango ulimwenguni pote ya kuendelea kutoa msaada kwa walioathiriwa nchini Filipino.

Ofisi ya tawi ya Mashahidi wa Yehova ya Manila imeunda halmashauri tano za kutoa msaada ili kuharakisha misaada iwafikie walioathiriwa wakati unaofaa. Zaidi ya tani 190 za misaada imepelekwa katikati mwa nchi ya Filipino. Mashahidi kutoka nchi kumi hivi walijitolea kushiriki katika kazi ya kutoa misaada kwa walioathiriwa. Wajitoleaji wanasaidia kujenga tena na kurekebisha zaidi ya nyumba 2,000 au kutoa huduma za matibabu.

Watu 225 hivi wangali wanaishi kwenye mahema yaliyowekwa na Mashahidi katika sehemu waliyohamishiwa karibu na Calbayog City, Samar. Inasemekana kwamba asilimia 15 hadi 20 ya watu wanaoishi katika mahema hayo si Mashahidi wa Yehova.

Idadi ya watu waliokufa kutokana na tetemeko hilo kubwa zaidi katika historia, imeongezeka na kufikia watu 6,201 na wengine 1,785 hawajulikani waliko. Watu 28,000 hivi walijeruhiwa na zaidi ya nyumba milioni 1 zikaharibiwa. Ofisi ya tawi ya Mashahidi wa Yehova ya Manila imethibitisha kwamba Mashahidi 33 walipoteza maisha yao na wengine 10 hawajulikani waliko na huenda ikawa walikufa.

Mark Sanderson, mshiriki wa Baraza Linaloongoza la Mashahidi wa Yehova akiwatembelea walioathiriwa.

Kuanzia Desemba 7, 2013, Mark Sanderson, mshiriki wa Baraza Linaloongoza la Mashahidi wa Yehova, alitumia muda wa siku saba kutembelea mikoa mitano iliyoathiriwa. Anasema hivi: “Maafa yaliyosababishwa na Kimbunga Haiyan yanaendelea kuwaathiri wengi nchini Filipino; hata hivyo tumejitayarisha kuendelea kutoa misaada inayohitajika, kutuma wajitoleaji, na kuwafariji walioathiriwa.”

Wanahabari Wanaweza Kuwasiliana na:

J. R. Brown, Ofisi ya Habari za Umma, simu +1 718 560 5000

Filipino: Dean Jacek, simu +63 2 411 6090