Hamia kwenye habari

Hamia kwenye menyu ya pili

Mashahidi wa Yehova

Kiswahili

JUNI 21, 2017
URUSI

Video Inayoonyesha Wenye Mamlaka Nchini Urusi Wakivamia Mkutano wa Kidini Wenye Amani

Video Inayoonyesha Wenye Mamlaka Nchini Urusi Wakivamia Mkutano wa Kidini Wenye Amani

NEW YORK—video iliyoonyeshwa kwenye kituo cha glavny.tv, kituo cha televisheni kinachosambaza habari kwenye eneo la Wilaya ya Kati ya Urusi, ilionyesha maofisa wa polisi wenye silaha na Usalama wa Taifa (FSB) wakivamia mkutano wa amani wa kidini wa Mashahidi wa Yehova huko Oryol, Urusi, Mei 25, 2017.

Wenye mamlaka nchini Urusi wakiwa wamebeba silaha wakivamia mkutano wa amani wa kidini wa Mashahidi wa Yehova huko Oryol, Urusi, Mei 25, 2017.

Dennis Christensen, raia wa Denmark anaonekana kwenye video hiyo akiongea kwa utulivu na wenye mamlaka. Alikamatwa wakati wa uvamizi huo na bado yeye ni mahabusu akisubiri kusikilizwa kwa kesi.

Dennis Christensen, raia wa Denmark na mzee wa kutaniko, akizungumza na wenye mamlaka. Amefungwa na FSB tangu Mei 25, 2017.

David A. Semonian, msemaji wa Mashahidi wa Yehova katika makao yao makuu, anasema hivi: “Video hii inaonyesha waziwazi kwamba Mashahidi wa Yehova wanajiendesha kwa amani, hata ingawa wenye mamlaka wanawatisha na kukatiza ibada yao kijeuri. Kuingiliwa kwa uhuru wa ibada kutaendelea isipokuwa tu Mahakama Kuu ya Urusi ibatilishe uamuzi wake usio wa haki dhidi ya Mashahidi wa Yehova. Pia, tunahangaikia sana mwabudu mwenzetu, Dennis Christensen, ambaye haruhusiwi kutembelewa au kupigiwa simu na mke wake. Tunatumaini kwamba hivi karibuni ataachiliwa kwa kuwa amefungwa isivyo haki.”

Wanahabari Wanaweza Kuwasiliana na:

David A. Semonian, Ofisi ya Habari za Umma, simu, +1-845-524-3000