“Sasa Kuliko Wakati Mwingine Wowote, Nimetambua Jinsi Yehova Anavyonipenda”

CHEZA

Machi 26, 2025, Mahakama ya Jiji la Kovrov iliyo katika Eneo la Vladimir ilimhukumu Ndugu Mikhail Sveshnikov na kumtoza faini ya rubo 250,000 (dola 2,973 za Marekani).

Maelezo Mafupi Kumhusu

Mikhail Sveshnikov

Alizaliwa: 1969 (Kovrov)

Alibatizwa: 2011

Maisha yake: Alifanya kazi ya kutengeneza vyuma na kuvikata. Alifunga ndoa na Yelena mwaka wa 1992. Wana watoto wawili wa kiume na wawili wa kike. Binti yao mkubwa alikufa katika aksidenti ya gari mwaka wa 2012

Mashtaka: Kushiriki katika mikutano ya kidini ya Mashahidi wa Yehova

Alitumikia kifungo cha nyumbani kwa miezi minne hivi

Hukumu: Alitozwa faini ya rubo 250,000 (dola 2,973 za Marekani)

Maelezo ya Kibinafsi

Katika kipindi hiki, umejionea upendo wa Yehova kwa njia gani?

Katika kipindi hiki cha majaribu, nimekuwa na wasiwasi na woga kwa sababu sikujua kile ambacho kitanipata. Hilo limenifanya nielewe vizuri zaidi jinsi ambavyo nabii Yona alihisi. Hisia za woga zilimfanya Yona akimbie mgawo wake, lakini Yehova alimtendea kwa upendo mshikamanifu na akampa nguvu za kumsaidia akabiliane na hisia zake. Kama ilivyokuwa kwa Yona, Yehova ananisaidia kukabiliana na hisia zangu zenye kutaabisha. Kwa muda huu wote, nimejionea jinsi ambavyo Yehova amenisaidia kwa upendo, na kujibu sala zangu haraka na nyakati nyingine katika njia ambazo sikutarajia. Ninapotafakari kuhusu upendo wake, ninachochewa kuwa mwenye shukrani. Ninampenda sana Yehova, lakini sasa kuliko wakati mwingine wowote, nimetambua jinsi Yehova anavyonipenda.

Inafariji kujua kwamba ‘tukimtumaini Yehova,’ tunaweza kushinda woga wetu na kudumisha utimilifu wetu.—Zaburi 56:3.

Ona Pia

HABARI ZA ULIMWENGUNI POTE

Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo

Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.