“Nina Hakika Mateso Hayatanizuia Kuwa na Furaha”

CHEZA

Julai 29, 2025, Mahakama ya Wilaya ya Birobidzhanskiy iliyo katika Eneo Lililotengewa Wayahudi, iliwahukumu Ndugu Anatoliy Artamonov na Ndugu Aleksandr Krushevskiy kifungo cha nje cha miaka mitano kila mmoja. Hawahitaji kwenda gerezani wakati huu.

Maelezo Mafupi Kuwahusu

Anatoliy Artamonov

Alizaliwa: 1952 (Eneo Lililotengewa Wayahudi, Kuldur)

Alibatizwa: 1995

Maisha yake: Yeye ni fundi umeme. Alifunga ndoa na Lyudmila mwaka wa 1994. Wana mwana mmoja na binti mmoja. Binti yao, Dada Larisa Artamonova, na mwana wake, Ndugu Yevgeniy Yegorov, walishtakiwa na kuhukumiwa kwa sababu ya imani yao

Mashtaka: Kupanga mikutano ya kidini ya Mashahidi wa Yehova

Hukumu: Kifungo cha nje cha miaka mitano

Maelezo ya Kibinafsi

Ni mstari gani wa Biblia ambao umekufariji katika kipindi hiki kigumu?

Maneno yaliyo kwenye 1 Petro 4:14 yamenifariji sana: “Ikiwa mnashutumiwa kwa ajili ya jina la Kristo, ninyi ni wenye furaha, kwa sababu roho ya utukufu, yaani roho ya Mungu, inatulia juu yenu.” Ninamshukuru sana Yehova kwa kuendelea kunipa nguvu kupitia roho yake takatifu. Ninapomwomba anipe amani ya akili yeye hunijibu, na ananipatia nguvu ninazohitaji ili nibaki mwaminifu. Ninajua kwamba hataniacha kamwe. Kwa kuwa ananipenda na kunitegemeza, nina hakika mateso hayatanizuia kuwa na furaha.

Hata iwe tunakabili changamoto gani, tunafarijika kujua kwamba Yehova hatawaacha kamwe wale ambao wanaendelea kuwa waaminifu kwake.—Yoshua 1:5.

Ona Pia

HABARI ZA ULIMWENGUNI POTE

Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo

Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.