Septemba 5, 2025, Ndugu Vladimir Skachidub aliachiliwa kutoka gerezani nchini Urusi. Alihukumiwa kifungo cha miaka minne na miezi miwili Oktoba 11, 2021. Kwa kuwa alikaa kizuizini kwa muda kabla ya kesi yake kuamuliwa, kifungo chake kimekamilika sasa.

Miezi sita baada hukumu yake kutolewa, wenye mamlaka walimhamishia Vladimir kwenye gereza lililo katika Eneo la Ryazan, Urusi. Gereza hilo liko umbali wa kilomita 1,200 kutoka nyumbani kwa Vladimir. Umbali huo ulifanya iwe vigumu kwa marafiki na watu wa familia kumtembelea. Hata hivyo, Vladimir aliazimia kuendelea kuwa na mtazamo mzuri na kudumisha amani kati yake na wafungwa wenzake na pia wenye mamlaka. Alikuwa mkarimu kwa wengine na pia aliwaonyesha fadhili. Kwa sababu hiyo, watu wengi walimheshimu. Vladimir alisema hivi kabla ya hukumu yake kutolewa: “Hata upinzani uwe mkali jinsi gani sitaacha kumtumikia Yehova. Nina uhakika kwamba Yehova ataendelea kuwa mshikamanifu kwa wale wanaobaki washikamanifu kwake. Nitaendelea kujitahidi kuvumilia kwa shangwe na ujasiri.”

Tunathamini sana mfano mzuri wa Vladimir unaotukumbusha kwamba tunaweza kukabiliana na jaribu lolote lile kupitia ‘upendo mshikamanifu na uaminifu’ wa Yehova.​—Zaburi 115:1.