SEPTEMBA 20, 2023
URUSI
Ndugu Maksim Beltikov Ameachiliwa Kutoka Gerezani Nchini Urusi
Septemba 15, 2023, Ndugu Maksim Beltikov aliachiliwa kutoka gerezani huko Khadyzhensk, Urusi. Januari 17, 2022 alihukumiwa kifungo cha miaka miwili gerezani. Kwa kuzingatia muda aliotumia mahabusu, kifungo chake kilikamilika Septemba 15, 2023.
Maksim na Mariya, mke wake, walipata wana watatu. Kabla ya kukamatwa, Maksim alisema hivi: “Mimi na familia yangu tumedumisha mtazamo mzuri katika kipindi hiki kigumu kwa kukumbuka kwamba Yehova anadhibiti kila kitu. Hata nini kitokee, maneno ya Yoshua 24:15 yanakazia azimio letu: ‘Lakini mimi na familia yangu, tutamtumikia Yehova.’”
Wakati wa kesi yake, ambapo alihukumiwa kuwa mtu mwenye msimamo mkali, Maksim alisema hivi kwa ujasiri mbele ya mahakama: “Sijafanya chochote cha kunifanya nionwe kuwa mwenye msimamo mkali. Ninasadiki kwamba ninafanya jambo lililo sahihi, nami siaibiki hata kidogo. Ninajivunia kuhukumiwa kuwa Shahidi wa Yehova.”
Kikundi cha akina ndugu na dada wakimkaribisha Maksim baada ya kuachiliwa
Maksim, Mariya, na watoto wao wanapounganishwa tena, tuna uhakika kwamba Yehova atawabariki sana.—Zaburi 4:3.
Huenda Ukapenda Pia
HABARI ZA ULIMWENGUNI POTE
Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo
Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.