Ndugu Ahukumiwa Kifungo cha Miaka Saba Gerezani—“Ameazimia Kuendelea Kuwa Mwaminifu”

CHEZA

Oktoba 17, 2025, Mahakama ya Wilaya ya Kirovskiy iliyo katika Eneo la Samara ilimhukumu Ndugu Samvel Babayan kifungo cha miaka saba gerezani. Bado yupo kizuizini.

Maelezo Mafupi Kumhusu

Samvel Babayan

Alizaliwa: 1972 (Armenia)

Alibatizwa: 2003

Maisha yake: Alifanya kazi ya useremala. Alifunga ndoa na Bella mwaka wa 2000. Wana mwana mmoja na binti mmoja

Mashtaka: Kupanga utendaji wa kikundi chenye msimamo mkali

Alikaa kizuizini kwa miezi 13 kesi yake ilipokuwa ikisikilizwa

Hukumu: Kifungo cha miaka saba gerezani

Maelezo ya Kibinafsi kutoka kwa Bella, mke wa Samvel a

Sala zako zimebadilikaje ulipokuwa ukipitia hali hizi ngumu?

Kipindi hiki kigumu kimenisaidia kuelewa tofauti kati ya sala na dua. Sasa katika sala zangu zote, ninamsihi Yehova atusaidie. Mume wangu amekuwa akikabili hali ngumu tangu alipotenganishwa na familia yetu. Isitoshe, hali mbaya katika gereza zimeathiri afya yake. Kwa hiyo, ninamsihi Yehova amsaidie Samvel aendelee kuwa na shangwe licha ya hali hizo ngumu. Ninafurahi kwamba Samvel huniambia kuwa Yehova humsaidia kuwa na nguvu na ameazimia kuendelea kuwa mwaminifu kwake hata hali ziweje. Sote wawili tunasadiki kwamba maneno yaliyo kwenye Waroma 8:38, 39 ni ya kweli—hakuna kitu chochote kinachoweza “kututenga na upendo wa Mungu.”

Tunafurahi kuwa sehemu ya watu wanaomtumaini Yehova na tuna uhakika kwamba hatatuacha kamwe.—Zaburi 9:10.

a Makala hii ilipokuwa ikitayarishwa, Ndugu Babayan alikuwa kizuizini na haikuwezekana kupata maelezo yake ya kibinafsi.

Ona Pia

HABARI ZA ULIMWENGUNI POTE

Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo

Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.