‘Lengo Langu ni Kuvumilia Majaribu kwa Utulivu’

CHEZA

Februari 26, 2025, Mahakama ya Jiji la Petropavlovsk-Kamchatskiy iliyo katika Eneo la Kamchatka ilimhukumu Ndugu Aleksey Ovchar kifungo cha nje cha miaka sita. Hahitaji kwenda gerezani wakati huu.

Maelezo Mafupi Kumhusu

Aleksey Ovchar

Alizaliwa: 1979 (Troitsk, Eneo la Moscow)

Alibatizwa: 1997

Maisha yake: Alikuwa mtafsiri na meneja katika kampuni ya mauzo. Alifunga ndoa na Mariya mwaka wa 2015

Mashtaka: Kupanga na kuongoza mikutano ya kidini ya Mashahidi wa Yehova

Hukumu: Kifungo cha nje cha miaka sita

Maelezo ya Kibinafsi

Ni nini kimekusaidia kuvumilia majaribu haya?

Ninapomweleza Yehova waziwazi jinsi ninavyohisi na kumshukuru kwa mambo yote mazuri anayonifanyia, hisia mbaya hutoweka. Hilo hunisaidia kukazia fikira mambo yanayotia moyo na hivyo sikati tamaa. Mimi hujikumbusha kwamba Yehova hajaahidi kuwa maisha yetu yatakuwa rahisi katika siku hizi za mwisho. Kila mmoja wetu atakabili mateso, hata iwe anaishi wapi. Hivyo, lengo langu ni kuendelea kujifunza jinsi ya kuvumilia majaribu haya kwa utulivu na kukazia fikira jinsi Yehova anavyonisaidia.

Tunathamini sana mfano mzuri ambao Aleksey ametuwekea wa kumtumaini na kumtegemea Yehova. Tunapoendelea kuvumilia katika siku hizi za mwisho, tunapata faraja kutokana na ahadi ya Yehova ya kutupatia ‘wakati ujao na tumaini.’—Yeremia 29:11.

Huenda Ukapenda Pia

HABARI ZA ULIMWENGUNI POTE

Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo

Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.