“Hakuna Kinachoweza Kumzuia Yehova Kuwategemeza Wale Anaowapenda”

CHEZA

Septemba 30, 2025, Mahakama ya Wilaya ya Vyselkovskiy iliyo katika Eneo la Krasnodar ilimhukumu Dada Nataliya Novoseletskaya kifungo cha nje cha miaka miwili. Hahitaji kwenda gerezani wakati huu.

Maelezo Mafupi Kumhusu

Nataliya Novoseletskaya

Alizaliwa: 1963 (Dombarovsky, Eneo la Orenburg)

Alibatizwa: 2008

Maisha yake: Alikuwa muuzaji katika duka kabla ya kustaafu. Ana mwana mmoja na binti mmoja

Mashtaka: Kushiriki katika mikutano ya kidini ya Mashahidi wa Yehova

Hukumu: Kifungo cha nje cha miaka miwili

Maelezo ya Kibinafsi

Ni mistari gani ya Biblia inayokusaidia usihangaike kupita kiasi kuhusu wakati ujao?

Andiko moja ninalopenda sana ni Mathayo 6:34 linalosema: “Basi, msihangaike kamwe kuhusu kesho, kwa maana kesho itakuwa na mahangaiko yake yenyewe.” Hivyo, badala ya kujichosha nikifikiria kuhusu mambo yatakayotokea wakati ujao au jinsi nitakavyofanya yakitokea, nimejifunza kukazia tu mambo ninayoweza kufanya kwa siku hiyo. Andiko la Maombolezo 3:22, 23 hunisaidia kutimiza hilo. Andiko hilo linasema: “Hatujaangamia kwa sababu ya upendo mshikamanifu wa Yehova, kwa maana rehema zake hazikomi kamwe. Ni mpya kila asubuhi.” Yehova amenitunza kwa upendo mara nyingi, na ninajua kwamba ataendelea kufanya hivyo licha ya hali zozote nitakazokabili. Nina uhakika kwamba hakuna kinachoweza kumzuia Yehova kuwategemeza wale anaowapenda.

Na tuendelee kuthamini matendo ya upendo mshikamanifu ambayo Yehova anatufanyia na kumwona kuwa ‘kimbilio letu salama na ngao yetu’ katika siku hizi za mwisho zenye magumu.—Zaburi 144:2.

Ona Pia

HABARI ZA ULIMWENGUNI POTE

Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo

Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.