AGOSTI 18, 2022 | HABARI ZA KARIBUNI: DESEMBA 19, 2023
URUSI

HABARI ZA KARIBUNI—NDUGU NA DADA WAFUNGWA | Imani Katika Yehova Hutusaidia Kushinda Woga Tunapoteswa

CHEZA

Desemba 18, 2023, Mahakama ya Wilaya ya Novosibirsk iliyo katika Eneo la Novosibirsk ilimhukumu Ndugu Valeriy Maletskov kifungo cha miaka sita gerezani. Dada Marina Chaplykina alihukumiwa miaka minne gerezani. Wote walipelekwa kizuizini moja kwa moja kutoka mahakamani.

Mfuatano wa Matukio

2018

Mwanamume aliyekuwa anajifunza Biblia na kuhudhuria mikutano ya Mashahidi wa Yehova kabla hajakamatwa, alianza kushirikiana na wapelelezi wa FSB katika eneo la Novosibirsk, na kutoa taarifa za wale waliokuwa wakihudhuria mikutano.
Aprili 19, 2019

Kupitia taarifa zilizotolewa na mwanamume huyo, nyumba sita za Mashahidi wa Yehova katika eneo la Novosibirsk zilifanyiwa msako. Kesi ya uhalifu ilifunguliwa dhidi ya Valeriy Maletskov na Marina Chaplykina. Wote wawili walipelekwa mahabusu baada ya kukamatwa.
Aprili 21, 2019

Wote wawili waliachiliwa kutoka mahabusu. Valeriy aliwekwa katika kifungo cha nyumbani, na Marina Chaplykina aliwekewa vizuizi vya kusafiri
Februari 21, 2022

Valeriy alishtakiwa kwa kuendesha shughuli za shirika lenye msimamo mkali. Marina Chaplykina alishtakiwa kwa kutegemeza kifedha utendaji wa shirika lenye msimamo mkali
Machi 30, 2022

Kesi ya uhalifu ilianza

Maelezo Mafupi Kuwahusu

Marina Chaplykina

Alizaliwa: 1971 (Novosibirsk)

Maisha Yake: Anafanya kazi ya ususi. Anamlea binti yake

Baada ya kuhubiriwa katika huduma ya nyumba kwa nyumba, alianza kujifunza Biblia na Mashahidi wa Yehova alipoona jina la Mungu katika Biblia yake. Alibatizwa mwaka wa 2004

Maelezo ya Kibinafsi

Umenufaikaje kwa kufuata mwongozo wa kitheokrasi?

Wenye mamlaka walipoanza kuwatesa Mashahidi wa Yehova, nilisikiliza kwa makini mwongozo uliotolewa na akina ndugu na kuufuata maramoja. Akina ndugu walipoanza kukamatwa na kufanyiwa msako upande mwingine wa nchi, nilifuatilia kilichotokea, na jinsi akina ndugu walivyoshughulika na hali hiyo. Habari hizo ziinisaidia kujitayarisha, na hata kutayarisha nyumba yangu kwa ajili ya matukio ambayo yalikuwa yakikaribia.

Sala imekuimarishaje?

Waliponikamata jambo moja lililofika akilini mwangu ni mfano wa Nehemia. Kama yeye, nilisali kifupi kwa Yehova na kumwomba anipatie amani ya moyoni. Walipofika na kufanya msako nyumbani kwangu nilikuwa mtulivu. Niliwaona maofisa hao ni watu tu waliofika ili kufanya kazi yao. Binti yangu Nataliya, alifika muda mfupi baada ya hapo. Maofisa hao wa polisi waligundua kwamba, hakupatwa na mshtuko wowote kwa sababu ya kuwaona na kufanya msako nyumbani kwetu. Mmoja wa maofisa hao alimuuliza binti yangu kwa nini hakuogopa, na mmoja kati yao wenyewe akamjibu hivi: “Walikuwa wakitutarajia.” Wakati huo nikatambua kwamba: ‘Yehova alikuwa amejibu sala yangu.’ Hata wengine wanatuona tukiwa watulivu.

Valeriy Maletskov

Alizaliwa: 1974 (Novosibirsk)

Maisha Yake: Ni fundi seremara na mlinzi

Alivutiwa na Mashahidi wa Yehova kwa sababu walitetea imani yao kwa kutumia Biblia. Alibatizwa mwaka wa 1994

Alifunga ndoa na Marina mwaka wa 2004. Wana mwana mmoja

Maelezo ya Kibinafsi

Ni nini kilichokusaidia wewe na familia yako msiogope mateso?

Tulipopata habari kuhusu kukamatwa kwa waamini wenzetu na kupelekwa mahabusu, tulifikiria itakuwaje kwetu ikiwa tutakabili hali kama hiyo. Tulijiuliza pia kuhusu mambo waliyokuwa wakifikiria na kuhisi wakati huo. Niliposali kibinafsi na pia pamoja na familia yangu, nilimwomba Yehova atusaidie kuwa jasiri tunapokabili mateso. Tulijionea jinsi mateso yalivyowapatia ndugu na dada zetu fursa za kutoa ushahidi chini ya hali hiyo.

Na kwa kweli mateso yamenisaidia kumkaribia Yehoova hata zaidi, na hata nimeanza kuwaona wale wanaonitesa kama Yehova anavyowaona. Hata ingawa wanaonekana kuwa watu hatari, wao ni watu wanaohitaji kusikia kweli, na walihitaji kuona kweli hiyo kupitia mfano wangu.

Ujasiri na uvumilivu wa wale wanaokabili mateso kwa sababu ya imani yao ni uthibitisho wa baraka na ulinzi wa Yehova.

Huenda Ukapenda Pia

HABARI ZA ULIMWENGUNI POTE

Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo

Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.