Julai 7, 2025, Dada Sona Olopova aliachiliwa kutoka gerezani kabla ya kifungo chake kukamilika. Alikuwa akitumikia kifungo cha kazi ya kulazimishwa. Alihukumiwa Januari 25, 2024.

Mashahidi 12 hivi wamehukumiwa kifungo cha kazi ya kulazimishwa tangu marufuku ilipotangazwa nchini Urusi mwaka wa 2017. Wale wanaohukumiwa kazi ya kulazimishwa nchini Urusi wanaishi gerezani, na kufanya kazi katika eneo walilogawiwa katika jamii, na sehemu ya mshahara wao unachukuliwa na serikali. Muda mfupi tu baada ya Sona kupelekwa gerezani, ilikuwa wazi kwamba yeye ni mfanyakazi mwenye bidii na mwenye kutegemeka. Hilo lilichangia pakubwa katika kuachiliwa kwake kabla ya kifungo kukamilika.

Sona anasema hivi: “Hali katika gereza ilikuwa ngumu sana. Kulikuwa na kamera kila mahali, na singeweza kuwa na faragha. Isitoshe, ilikuwa vigumu sana kuishi mbali na mume wangu. Nilipoogopa nilisema, ‘Yehova, acha mapenzi yako yatendeke.’ Nilikuwa na uhakika kwamba Yehova angeshughulikia mambo ambayo sikuwa na uwezo wa kuyashughulikia. Kwa hiyo, sikuwahi kuhisi nikiwa peke yangu. Kusema kweli, nilihisi kana kwamba Yehova alikuwa akinibeba mikononi mwake wakati huo wote.”

Tunashangilia kwamba Sona na mume wake, Anatoliy, wameungana tena. Tunaimarishwa sana kujua kwamba sikuzote Yehova atatutegemeza na kutuonyesha upendo wake mahali popote tutatutakapokuwa.​—Zaburi 139:7-11.